சென்னை மக்கள் தொகை 46.8 லட்சம்!: மக்கள் தொகையில் டாப்-4 மாவட்டங்கள் காஞ்சி, வேலூர், திருவள்ளூர்

சென்னை: சென்னை மக்கள் தொகை 46.8 லட்சம் (46,81,087) ஆக உயர்ந்துள்ளது.

2011ம் ஆண்டு எடுத்து முடிக்கப்பட்ட சென்ஸஸ் விவரங்கள் வெளியிட்டப்பட்டுள்ளன. அதில் கூறப்பட்டுள்ளதாவது:

சென்னையில் ஒரு சதுர கிலோ மீட்டருக்கு 26,553 பேர் வசிக்கின்றனர். இது மிக அதிகமான மக்கள் நெரிசலாகும்.

சென்னைக்கு அடுத்தபடியாக காஞ்சிபுரம் மாவட்டத்தில் 39.9 லட்சம் பேரும் (39,90,897), வேலூர் மாவட்டத்தில் 39.2 லட்சம் (39,28,106) பேரும், திருவள்ளூர் மாவட்டத்தில் 37.2 லட்சம் (37,25,697) பேரும் வசிக்கின்றனர்.

சென்னையில் பணியாற்றுவோர் தான் பெரும்பாலும் இந்த மாவட்டங்களில் வசித்து வருவது குறிப்பிடத்தக்கது.

மக்கள் தொகை மிகக் குறைவான 4 மாவட்டங்கள்:

அதே நேரத்தில் மாநிலத்திலேயே பெரம்பலூர், நீலகிரி, அரியலூர், கரூர் மாவட்டங்களில் தான் மக்கள் தொகை எண்ணிக்கை குறைவாக உள்ளது.

கரூர் மாவட்டத்தில் 10.7 லட்சம் பேரும் (10,76,588), அரியலூர் மாவட்டத்தில் 7.5 லட்சம் பேரும் (7,52,481), நீலகிரி மாவட்டத்தில் 7.3 லட்சம் பேரும் (7,35,071), பெரம்பலூர் மாவட்டத்தில் 5.6 லட்சம் பேரும் (5,64,511) வசிக்கின்றனர்.

English summary

Tamil Nadu Population: Top four districts are Chennai, Kancheepuram, Vellore, Thiruvallur, and Last four districts are Karur, Ariyalur, The Nilgiris and Perambalur