தலை சுற்றல், மயக்கம்- மருத்துவமனையில் ஜி.கே.மணி

சென்னை: பாமக தலைவர் ஜி.கே.மணிக்கு தலைசுற்றல் மற்றும் மயக்கம் ஏற்பட்டதால் அவர் மருத்துவமனையில் அனுமதிக்கப்பட்டுள்ளார்.

முதுகுத் தண்டவடத்தில் ஏற்பட்ட வலி காரணமாக கடந்த 2 வாரமாக பிசியோதெரப்பி எடுத்து வந்தார் ஜி.கே.மணி. இந்த நிலையில் நேற்று அவருக்கு தலைசுற்றல் மற்றும் மயக்கம் ஏற்பட்டது. இதையடுத்து உடனடியாக அவரை சேத்துப்பட்டில் உள்ள தனியார் மருத்துவமனைக்கு அழைத்துச் சென்றனர்.

அங்கு அனுமதிக்கப்பட் அவருக்கு டாக்டர்கள் தீவிர சிகிச்சை அளித்து வருகின்றனர். சமீபத்தில்தான் சிறையிலிருந்து ஜாமீனில் விடுதலையாகி வெளியே வந்திருந்தார் ஜி.கே.மணி என்பது நினைவிருக்கலாம்.

English summary

PMK leader G K Mani has been hospitalised after severe pain due to cervical spondylosis.