பெரிய நகரம்... சின்னஞ்சிறு வீடுகள்: அமெரிக்காவில் பரவும் புதிய கலாச்சாரம்

சியாட்டில்: சமீப காலமாக, பெரிய நகரங்களில் அதேசமயம் சிறிய குடியிருப்புகளில் வாழவே அமெரிக்க வாழ் மக்கள் பெரிதும் விரும்புகிறார்களாம்.

அரண்மனை பொன்ற வீடுகளில் வாழ விரும்பிய காலம் போய், அடுக்குமாடி குடியிருப்புகள் வந்தன. தற்போது அதுவும் மலையேறத் தொடங்கிவிட்டதாம். இப்போதெல்லாம் மைக்ரோ குடியிருப்புகள் என்ற பெயரில் சிறிய அளவிலான அடுக்குமாடி வீடுகள் தான் அமெரிக்க மக்களின் முதல் சாய்ஸ்ஸாக இருக்கிறதாம்.

அதிலும் குறிப்பாக, மேற்படிப்பிற்காக செல்லும் மாணவர்கள், வேலை நிமித்தம் சென்றவர்கள் போன்றோரின் பொருளாதார வசதிக்கேற்ப இந்த மைக்ரோ குடியிருப்புகள் வடிவமைக்கப்படுகின்றன.

வெறும் 200 சதுர அடிக்குள்ளாகவே, குளியல் அறை, சமையல் அறை மற்றும் படுக்கை அறையுடன் இந்த மைக்ரோ குடியிருப்புகள் அமைந்துள்ளதே இதன் சிறப்பம்சமாகும். சமையல் அறையில் எலெக்ட்ரிக் அடுப்பு, ப்ரிட்ஜ் போன்ற வசதிகள் அமைந்திருப்பது கூடுதல் சிறப்பாகும். சில குடியிருப்புகளில் வாகனங்களை நிறுத்தும் வசதிகள் கூட அமைந்துள்ளதாக கூறுகின்றனர்.

அப்படி வாகன நிறுத்தம் இல்லாத மைக்ரோ குடியிருப்புவாசிகள், நகராட்சி நிர்வாகத்திடம் தெரு ஓரங்களில் நிறுத்துவற்கான அனுமதி அட்டைகளை பெற்று, தங்கள் வாகனங்களை தெரு ஓரங்களில் நிறுத்திக் கொள்கின்றனராம்.

குறிப்பாக மைக்ரோ குடியிறுப்புகள் நகரின் முக்கிய இடங்களில் அமைவதால், அதில் தங்கும் மக்களுக்கு மற்ற வசதிகள் எளிதாகக் கிடைக்கப் பெறுகிறதாம். சியாட்டில் போன்ற பெருநகரங்களில், பொதுவாக இத்தகைய குடியிருப்புகள் சுமார் 500 முதல் 1000 டாலருக்குள் வாடகைக்குக் கிடைக்கின்றனவாம்.

அசுர வேகத்தில் மக்கள்தொகை பெருகிவரும் காலக்கட்டத்தில், இத்தகைய மைக்ரோ குடியிருப்புகளால் மேலும் அதிகப்படியான பிரச்சினைகளே உருவாகும் என வல்லுநர்கள் கருத்து தெரிவிக்கின்றனர்.

English summary

New York City is experimenting with micro apartments, with the backing of Mayor Mike Bloomberg. Last year, Bloomberg, along with the Department of Housing Preservation and Development Commissioner Mathew M. Wambua, launched the adAPT NYC Competition, a pilot program to develop a rental building composed of micro-units, according to Bloomberg's website.