கருணாநிதிக்கு பிறந்தநாள் வாழ்த்து அனுப்பிய போப் ஆண்டவர்

சென்னை: போப் ஆண்டவர் பிரான்சிஸ் தனது பிறந்தநாள் வாழ்த்துச் செய்தியை நேற்று கடிதம் மூலம் கருணாநிதிக்கு தெரிவித்தார்.

திமுக தலைவரும், மூத்த அரசியல்வாதியுமான கலைஞர் கருணாநிதியின் 90வது பிறந்தநாள் நேற்று சிறப்பாகக் கொண்டாடப்பட்டது. பல்வேறு தலைவர்கள் நேரிலும், கடிதம் மூலமும் தங்களது வாழ்த்துக்களை கருணாநிதிக்கு தெரிவித்தனர்.

சமீபத்தில் போப்பாக பதவியேற்ற பிரான்சிஸ் வாடிகனில் இருந்து தனது வாழ்த்துச் செய்தியை கடிதம் வாயிலாக அனுப்பி வைத்தார். அவ்வாழ்த்துக் கடிதத்தினை கிறிஸ்துவ நல்லெண்ணம் இயக்கத்தின் தலைவர் இனிகோ இருதயராஜ், நேற்று மாலை, சி.ஐ.டி., காலனி வீட்டில் வைத்து கருணாநிதியிடம் வழங்கினார். அருகில் முன்னாள் கத்தோலிக்க பிஷப் சின்னப்பா இருந்தார்.

கடிதத்தைப் பெற்றுக் கொண்ட கருணாநிதி, "தனக்கு போப் வாழ்த்து கடிதம் வழங்கியது மிகுந்த மகிழ்ச்சி அளிக்கிறது' என தெரிவித்தார்.

English summary

Pope Francis sent a greeting message to the DMK leader Karunanithi