பாஸ் என்கிற பாஸ்கரன் ஒரு வழியாக கைது
சில நாட்களுக்கு முன்பே பாஸ்கரன் கைது என்று தகவல்கள் வெளியாகின. ஆனால் அதை பாஸ்கரனே மறுத்தார். தனக்கும் சசிகலாவுக்கும் இடையே தற்போது எந்தத் தொடர்பும் இல்லை, நான் கைதுசெய்யப்படவில்லை என்று கூறியிருந்தார்.
ஜெயலலிதா முதல் முறை முதல்வராக இருந்த போது ஆரம்பிக்கப்பட்ட ஜெஜெ டிவியின் பொறுப்பாளராக இருந்தவர் இந்த பாஸ்கரன். ஜெஜெ டிவி மூடப்பட்ட பிறகு, என்ன ஆனார் என்றே தெரியாமல் இருந்தார்.
கிட்டத்தட்ட 12 ஆண்டுகள் கழித்து திடீரென ஒரு நாள் தான் ஹீரோவாக நடிக்கப் போவதாகவும், படத்தின் பெயர் தலைவன் என்றும் அறிவித்தார் பாஸ்கரன். பெயரையும் பாஸ் என்று மாற்றிக் கொண்டார்.
கடந்த இரண்டாண்டுகளாக உருவாகி வந்த இந்தப் படத்தின் இசை வெளியீடு சமீபத்தில்தான் சென்னையில் நடந்தது.
இந்த நிலையில், அவர் மீது வழக்குப் பதிவு செய்த காவல்துறையினர் இன்று காலையில் கைது செய்தனர். 2002-ம் ஆண்டு நடந்த மோசடி தொடர்பாகவும், சமீபத்தில் வெளியான திரைப்பட தயாரிப்பு தொடர்பான மோசடி புகாரின் பேரிலும் இரு வழக்குள் பதிவு செய்யப்பட்டிருந்தது. அதன் பேரில் நீலாங்கரை போலீஸார் பாஸ்கரனைக் கைது செய்துள்ளனராம்.
Click it and Unblock the Notifications
Sign in with Google