ஓவர் செலவில் செட் போட்டு திருமணம்... 'பேஸ்புக்' சீன் பார்க்கருக்கு பெருத்த அபராதம்!

சான்பிரான்சிஸ்கோ: பெரும் பொருட்செலவில் சினிமா பாணியில் செட் போட்டு திருமணம் செய்த பேஸ்புக் நிறுவனத்தின் முன்னாள் தலைவரான சீன் பார்க்கருக்கு பெரும் தொகை அபராதமாக விதிக்கப்பட்டுள்ளது.

சீன் பார்க்கருக்கு 2.5 மில்லியன் டாலர் தொகை அபராதமாக விதிக்கப்பட்டுள்ளது. கலிபோர்னியாவில் வைத்து சினிமா பட பாணியில் பெரும் செட் போட்டு திருமணத்தை நடத்தினார் பார்க்கர். இதற்காக அதிகாரிகளிடம் உரிய முறையில் அனுமதியை அவர் பெறவில்லை. இதற்காகத்தான் தற்போது அபராதம் தீட்டி விட்டனராம்.

கலிபோர்னியா கடலோரப் பகுதியில் இந்த செட் போடப்பட்டிருந்தது. ஆனால் கடலோரப் பாதுகாப்பு கமிஷனிடம் இதற்காக அனுமதி பெறவில்லையாம் அவர். 33 வயதாகும் சீன் பார்க்கர் பேஸ்புக் நிறுவனத்தின்முன்னாள் தலைவர் ஆவார். கடந்த சனிக்கிழமையன்று இவருக்கும், பாடகியும், பாடலாசிரியையுமான அலெக்சாண்ட்ரா லெனாஸுக்கும் திருமணம் நடந்தது.

இதற்காக போடப்பட்ட செட்டில் காட்டேஜ், அரண்மனை கட்டடங்கள், நீர்வீழ்ச்சிகள், படிக்கட்டுகள், பெரிய நடன அரங்கம் ஆகியவை அமைக்கப்பட்டிருந்தன. படப்பிடிப்புக்காக அமைக்கப்படும் செட் போல இவை இருந்தன என்பது குறிப்பிடத்தக்கது.

தற்போது அபராதத்தை செலுத்த பார்க்கர் ஒப்புக் கொண்டு விட்டார்.

English summary

Facebook billionaire Sean Parker has been forced to pay a $2.5m settlement after building a movie-set style location for his California wedding in a protected coastal area. The California Coastal Commission said it had reached an agreement with Mr Parker to pay for coastal conservation programmes after the Napster co-founder did not get proper permits. The 33-year-old former president of Facebook, who was portrayed by Justin Timberlake in the film The Social Network, married singer-songwriter Alexandra Lenas in a $10m ceremony on Saturday.