தங்கத்தில் முதலீடு செய்ய வேண்டாம்: ப. சிதம்பரம் வேண்டுகோள்!

டெல்லி: நாட்டின் பொருளாதார வளர்ச்சியில் எந்த ஒரு தாக்கத்தையும் ஏற்படுத்தாத தங்கத்தில் முதலீடு செய்ய வேண்டாம் என்று மத்திய நிதி அமைச்சர் ப.சிதம்பரம் வேண்டுகோள் விடுத்துள்ளார்.

டெல்லியில் இந்திய வங்கிகள் சங்கத்தின் ஆண்டு கூட்டத்தில் இன்று பேசிய ப.சிதம்பரம், முதலீட்டாளர்கள், நாட்டின் பொருளாதார வளர்ச்சிக்கு எந்த வகையிலும் உதவாத தங்கத்தில் முதலீடு செய்ய வேண்டாம். அனைத்து வங்கிகளும் தங்கத்தில் வாடிக்கையாளர்கள் முதலீடு செய்வதை ஊக்குவிக்க வேண்டாம்.

தங்க நாணயங்களை வங்கிகள் விற்பனை செய்யக் கூடாது என்று ரிசர்வ் வங்கி அறிவுறுத்தியுள்ளது. ஏப்ரல் மாதம் 142 டன் தங்கத்தை இறகுமதி செய்திருக்கிறோம். இது மே மாதம் 162 டன்னாக அதிகரித்துள்ளது. கடந்த ஆண்டு சராசரியாக மாதம் 70 டன் தங்கத்தை இறக்குமதி செய்திருந்தோம். இப்படி இறக்குமதி செய்தால் நாம் எப்படி சமாளிக்க முடியும்? என்றார் அவர்.

இந்தியாவில் தங்க இறக்குமதிக்கு விதிக்கப்பட்ட சுங்க வரியை 6%-ல் இருந்து 8%ஆக உயர்த்திய நிலையில் ப.சிதம்பரம் இந்த வேண்டுகோளை விடுத்துள்ளார்.

English summary

A day after the government raised import duty on gold to 8 per cent, Finance Minister P Chidambaram today said the surging imports are unsustainable and advised the banks to tell customers not to invest in the precious metal.