கருணாநிதி பேத்தியின் அனுமதியில்லாத 4 மாடிக் கட்டடத்துக்கு சீல் வைத்த அதிகாரிகள்

கோயம்புத்தூர்: கோவையில் அனுமதி பெறாமல் கட்டப்பட்ட திமுக தலைவர் கருணாநிதியின் பேத்திக்குச் சொந்தமான கட்டடத்திற்கு அதிகாரிகள் சீல் வைத்ததால் பரபரப்பு நிலவுகிறது.

கோவையில் அங்கீகாரம் பெறாத, அனுமதி இல்லாமல் கட்டப்பட்ட கட்டடங்களுக்கு சீல் வைக்கும் நடவடிக்கையில் மாநகராட்சி அதிகாரிகள் ஈடுபட்டுள்ளனர்.

இன்று காலை பீளமேடு ஹோப் கல்லூரி அருகே உள்ள ஒரு மோட்டார் சைக்கிள் ஷோரூமுக்கு வந்தனர். இது 4 மாடிக் கட்டடமாகும். இதற்கு உரிய அனுமதி பெறப்படவில்லை என்று தெரிகிறது. இதையடுத்து கடந்த 2012ம் ஆண்டு இதை இடித்துத் தள்ள நோட்டீஸ் அனுப்பப்பட்டிருந்தது. இருப்பினும் ஸ்டே வாங்கியதால் கட்டடத்தை இடிக்க முடியவில்லை.

இந்தநிலையில் இன்று அதிகாரிகள் குழு அங்கு வந்தது. கட்டடத்திற்கு சீல் வைத்தது. இந்த கட்டடம், திமுக தலைவர் கருணாநிதியின் மகன் மு.க.தமிழரசுவின் மகள் பூங்குழலிக்குச் சொந்தமானதாகும்.

English summary

Coimbatore corporation officials sealed 4 story building owned by Karunanidhi's grand daughter today.