தமிழக பள்ளிகள் இன்று திறப்பு: மாணவர்கள் உற்சாகம்

சென்னை: கோடை விடுமுறைக்குப் பிறகு தமிழகத்தில் பள்ளிகள் இன்று திறக்கப்பட்டதை அடுத்து மாணவ, மாணவிகள் உற்சாகத்துடன் பள்ளிக்கு கிளம்பினர்.

பள்ளி மாணவர்களுக்கான ஆண்டு இறுதித் தேர்வு, கடந்த ஏப்ரல் மாதத்துடன் நிறைவடைந்தது. அதனைத் தொடர்ந்து கோடை விடுமுறை அளிக்கப்பட்டது.

விடுமுறைக்குப் பிறகு ஜூன் 3-ஆம் தேதி பள்ளிகள் திறப்பதாக இருந்தது. ஆனால் வெயிலின் தாக்கம் அதிகமாக இருந்ததால், கோடை விடுமுறை மேலும் ஒரு வாரம் நீட்டிக்கப்பட்டது.

இந்த நிலையில் விடுமுறை முடிவடைந்து, 2013- 14ம் கல்வி ஆண்டிற்கான பள்ளிகள் இன்று திறக்கப்பட்டதை அடுத்து மாணவர்கள் உற்சாகமாக பள்ளிக்கு கிளம்பினர்.

பள்ளிகளில் மாணவர்களுக்கு இலவச புத்தகங்களை உடனடியாக வினியோகிக்க தமிழக அரசு நடவடிக்கை எடுத்துள்ளது.

English summary

All schools in Tamil Nadu reopen on Today for the 2013-2014 academic year, instead of the earlier announced date of June 3, due to soaring mercury levels.