அதிமுக சார்பில் 65 ஜோடிகளுக்கு இன்று சென்னையில் இலவச திருமணம்

Updated: Wednesday, June 12, 2013, 10:20 [IST]

Subscribe to Oneindia Tamil

சென்னை: தமிழக முதல்வர் ஜெயலலிதாவின் பிறந்தநாளையொட்டி வடசென்னை தெற்கு மாவட்ட அதிமுக சார்பில் சென்னையில் 65 ஜோடிகளுக்கு இன்று இலவச திருமணம் நடத்தி வைக்கப்படுகிறது.

தமிழக முதல்வர் ஜெயலலிதாவின் 65வது பிறந்த நாளையொட்டி வடசென்னை தெற்கு மாவட்ட அதிமுக சார்பில் 65 ஜோடிகளுக்கு இன்று இலவச திருமணம் நடத்தி வைக்கப்படுகிறது. இந்த திருமணத்தை சென்னை பிராட்வேயில் உள்ள பாரதியார் மகளிர் கல்லூரி விளையாட்டு மைதானத்தில் அமைச்சர்கள் ஓ.பன்னீர்செல்வம், பி.பழனியப்பன் ஆகியோர் நடத்தி வைக்கின்றனர்.

மணமக்களுக்கு பட்டு வேட்டி, சட்டை, பட்டுப்புடவை மற்றும் சீர் வரிசை பொருட்கள் வழங்கப்படுகிறது. மாவட்ட செயலாளர் நா.பாலகங்கா எம்.பி திருமண ஏற்பாடுகளை செய்து வருகிறார்.