சென்னை ரொம்ப சூடா இருக்காம்.. ஜில்லுன்னும் இருக்காம்!

சென்னை: கடந்த கால தட்பவெப்ப பதிவுகளை வைத்துக் கணக்கிடுகையில் சென்னை நகரில் வெப்ப நிலை கடந்த சில ஆண்டுகளில் அதிகரித்துள்ளது. அதேபோல, குளிர்ச்சியும் அதிகரித்துள்ளதாக வானிலை ஆய்வு மைய புள்ளி விவரத் தகவல்கள் தெரிவிக்கின்றன.

எங்கு பார்த்தாலும் கான்க்ரீட் காடுகளாகி வருகின்றன. கிராமங்கள், வயல்கள் அழிந்து நகரங்கள் அதிகரித்துக் கொண்டுள்ளன.

இப்படி நகர்ப்புறமயமாக்கல் படு வேகமாக இருந்து கொண்டிருப்பதால், தட்பவெப்பமும் மாறத் தொடங்கியுள்ளது. சென்னை நகரில் கடந்த சில ஆண்டுகளில் வெப்ப நிலை அதிகரித்துள்ளதாக புள்ளி விவரம் தெரிவிக்கிறது. அதேசமயத்தில், சென்னை நகரில் குளிர்நிலையும் கூட அதிகரித்துள்ளதாக இதே புள்ளி விவரம் கூறுகிறது.

42 ஆண்டுகளில்

கடந்த 42 ஆண்டுகளில் சென்னையில் வெப்பமும், குளிரும் ஒரு சேர அதிகரித்துள்ளதாம்.

வெயிலின் சராசரி 40

கோடை காலத்தில் சென்னையில் சராசரியாக 40 டிகிரி செல்சியஸ் அளவுக்கு வெயில் வெளுக்கிறது.

குளிர் 19 டிகிரி

அதேசமயத்தில், குளிர்காலத்தில்ச ராசரியாக 19 டிகரி செல்சியஸ் அளவுக்கு குளிர் நிலவுகிறது.

சூடான நாட்கள்

கடந்த 21 ஆண்டுகளில் சென்னையில் வெப்பம் அதிகமான நாட்கள்தான் அதிகம் பதிவாகியுள்ளது. அதாவது 220 நாட்கள்.

ஜில்லுன்னு 58

அதேசமயம், குளிர்ச்சியான நாட்களின் எண்ணிக்கை குறைவுதான். அதாவது 58 நாட்கள்.

சூடு 27 சதவீதம் ஜாஸ்தி

சூடான நாட்களின் எண்ணிக்கை 27 சதவீதம் அதிகரித்துள்ளதாம். குளிர்ச்சியான நாட்கள் 69 சதவீதம் குறைந்துள்ளதாம்.

மழை அதிகம்தான்

கடந்த 20 ஆண்டுகளில் வருடாந்திர மழைப் பொழிவின் அளவு 11.2 செமீ அளவுக்கு அதிகரித்துள்ளது.

English summary

Blame it on urbanization or climate change, a compilation of weather data over the years proves what Chennaiites have always known - that the city is getting hotter. But, believe it or not, it's also getting wetter.