எம்.பி.பி.எஸ் ரேங்க் பட்டியல் வெளியீடு… ஜூன் 18ல் கலந்தாய்வு தொடக்கம்

சென்னை: எம்.பி.பி.எஸ்.-பி.டி.எஸ். முதலாம் ஆண்டில் மாணவர்களைச் சேர்க்க இன்று ரேங்க் பட்டியல் இன்று இணையதளத்தில் வெளியிடப்பட்டது. நாமக்கல் மாவட்ட மாணவர் அபினாஷ் முதலிடம் பிடித்துள்ளார்.

சென்னை கீழ்ப்பாக்கம் மருத்துவக் கல்வி தேர்வுக் குழு அலுவலக வளாகத்தில் 28 ஆயித்துக்கும் மேற்பட்ட மாணவர்களின் பெயர்களுடன் எம்.பி.பி.எஸ்.-பி.டி.எஸ். ரேங்க் பட்டியலை மக்கள் நல்வாழ்வுத் துறை அமைச்சர் கே.சி. வீரமணி வெளியிட்டார்.

இந்தப் பட்டியலில் நாமக்கல் மாணவர் அபினாஷ் முதலிடம் பெற்றுள்ளார் ஊத்தங்கரை மாணவர் பரணிதரன் இரண்டாம் இடம் பிடித்துள்ளார்.

ஜூன் 18-இல் கலந்தாய்வு:

விளையாட்டில் சிறந்து விளங்குவோர், மாற்றுத் திறனாளிகள் உள்ளிட்ட சிறப்புப் பிரிவினருக்கு சென்னை கீழ்ப்பாக்கம் மருத்துவக் கல்வி தேர்வுக் குழு அலுவலகத்தில் எம்.பி.பி.எஸ். முதல் கட்ட கலந்தாய்வு ஜூன் 18-ஆம் தேதி நடைபெறுகிறது. தொடர்ந்து ஜூன் 19 அல்லது ஜூன் 20-ஆம் தேதி முதல் பொதுப் பிரிவு மாணவர்களுக்கான எம்.பி.பி.எஸ். கலந்தாய்வு நடைபெறும் அமைச்சர் வீரமணி தெரிவித்தார்.

இது தொடர்பான விபரங்களையும் ரேங்க் பட்டியலையும் www.tnhealth.org என்ற இணையத்தளத்தில் தெரிந்து கொள்ளலாம்.

English summary

MBBS and BDS rank list have been released and counselling will begin on June 19.