ஆஸி. பிரதமரின் மார்புகளை கேலி செய்து உணவுக்குப் பெயர்... மன்னிப்பு கேட்டார் மாஜி அமைச்சர்

சிட்னி: ஆஸ்திரேலிய பிரதமர் ஜூலியா கிலார்டின் மார்புகளை கேலி செய்யும் வகையில் பேசியதற்காக ஆஸ்திரேலிய முன்னாள் அமைச்சர் மால் பாரோ மன்னிப்பு கேட்டுள்ளார்.

முன்னாள் அமைச்சர் மால் பாரோ, ஆஸ்திரேலிய நாடாளுமன்றத் தேர்தலில் எதிர்க்கட்சியான லிபரல் தேசிய கட்சி சார்பில் போட்டியிடுகிறார். தேர்தல் பிரசாரத்துக்கான நிதி சேகரிப்புக் கூட்டங்களில் அவர் கலந்து கொண்டு வருகிறார்.

இப்படிப்பட்ட ஒரு கூட்டத்தில் இடம் பெற்றிருந்த உணவு வகைகள் குறித்த பெயர் பட்டியலில் இடம் பெற்றிருந்த பெயர் அனைவரையும் முகம் சுளிக்க வைப்பதாக இருந்தது. காரணம், ஆஸ்திரேலிய பிரதமர் ஜூலியா கிலார்டை செக்ஸ் வக்கிரத்துடன் கிண்டலடித்து அந்தப் பெயர் சூட்டப்பட்டிருந்தது.

அதாவது மெனு லிஸ்ட்டில் இடம் பெற்றிருந்த ஒரு உணவுக்கு, Julia Gillard Kentucky Fried Quail: Small Breasts and Huge Thighs and A Big Red Box என்று பெயர் வைக்கப்பட்டிருந்தது. இது பெரும் சலசலப்பை ஏற்படுத்தியது.

இதையடுத்து இந்தப் பெயர் சூட்டலுக்காக உடனடியாக மன்னிப்பு கேட்டார் மால் பாரோ. மேலும் இந்தப் பெயரை தங்களது கட்சிக்காரர்கள் யாரும் சூட்டவில்லை என்றும் ஆர்வக் கோளாறில் யாரோ சூட்டி விட்டதாகவும் கூறினார்.

மேலும் இந்த மெனு பட்டியல் தனது பார்வைக்கு வரவில்லை என்றும் கூறிய அவர், இந்தத் தவறுக்காக தான் மன்னிப்பு கேட்பதாகவும் தெரிவித்தார்.

உணவு வகைக்கு ஆபாசமான முறையில் பிரதமரின் பெயர் சூட்டப்பட்டது குறித்த செய்தி டிவிட்டர் மூலம் படு வேகமாக பரவியதால் பரபரப்பாகி விட்டது குறிப்பிடத்தகக்து.

English summary

A high-profile Australian political candidate apologised on Wednesday for a menu at one of his fundraisers featuring a quail dish named after Prime Minister Julia Gillard which had "small breasts" and "huge thighs". Former government minister Mal Brough, now an opposition Liberal National Party candidate at national elections in September, said it was devised by a non-party member who thought it would be "humourous". Brough told the Australian Broadcasting Corporation he had not seen nor approved the menu and was "deeply apologetic".