இந்தியாவின் புகழ்பெற்ற தந்தைகள்: ஷாருக்கான் 1... அமிதாப் 2.... சச்சின் 3வதுஇடம்!

மும்பை: உலகம் முழுவதும் இன்று தந்தையர் தினம் சிறப்பாகக் கொண்டாடப்பட்டு வருகிறது. உலக தந்தையர் தினத்தை முன்னிட்டு தனியார் நிறுவனம் ஒன்று நடத்திய கருத்துக் கணிப்பில் இந்தியாவின் பிரபலமான தந்தையாக இந்தி நடிகர் ஷாரூக் கான் தேர்வு செய்யப் பட்டுள்ளார்.

பாலிவுட்டின் பிரபல நடிகரான ஷாருக்கானுக்கு ஆர்யன் என்ற மகனும், சுஹானா என்ற மகளும் இருக்கின்றார்கள். சிறந்த தந்தை மகன் உறவு முறையிலும் அவர்களே முன்னிலையில் உள்ளனர்.

சாதி.காம் என்ற தனியார் நிறுவனம் உலக தந்தையர் தினத்தை முன்னிட்டு, இந்தியாவின் பிரபலமான தந்தை யார்? மற்றும் தந்தை- மகன் - மகள் உறவு முறை குறித்து மேற்கொண்ட கருத்துக் கணிப்பில் பின்வரும் தகவல்களை வெளியிட்டுள்ளது.

ஷாரூக்கான் முதலிடம்...

சுமார், 11,000 பெண்கள் கலந்து கொண்ட இந்த வாக்கெடுப்பில் 34.83 சதவீகித வாக்குகளை பெற்று ஷாருக்கான் முதலிடம் பெற்றுள்ளார். 31.58 சதவிகிதம் பெற்ற அமிதாப்பச்சன் இரண்டாவது இடத்தில் இருக்கிறார். புகழ் பெற்ற கிரிக்கெட் வீரர் சச்சின் டெண்டுல்கர் 18.61 சதவிகிதம் பெற்று மூன்றாவது இடத்தில் உள்ளார்.

பிரபலத் தந்தைகள்...

இது குறித்து சாதி.காமின் நிர்வாக இயக்குனர் கவ்ரவ் ரட்சித் கூறும்போது, "இந்த நிகழ்ச்சியின் முடிவுகள் ஆண்கள் பிரபலமாக இருந்தாலும், தங்களின் அர்ப்பணிப்பு, அன்பு போன்றவற்றினால் தான் பிரபலமான தந்தையும் ஆகின்றார்கள் என்பது தெரியவருகிறது. மேலும், புகழ் பெற்று விளங்குபவர்களையும் மக்கள் தங்களைப் போலவே சக மனிதர்களாகவே பார்க்கின்றார்கள்" என்றார்.

தந்தை - மகள்- மகன்....

தந்தை, மகன், மகள் உறவுகள் குறித்த மேலும் சில கேள்விகளையும் கருத்துக் கணிப்பில் இந்த நிறுவனம் கேட்டிருந்தது. அதில், சிறந்த தந்தை-மகள் உறவிற்கு அமிதாப் பச்சனும், அவரது மகள் சுவேதாவும் தேர்ந்தெடுக்கப்பட்டனர். மேலும், சிறந்த தந்தை-மகன் உறவிற்கு ஷாருகான், ஆர்யனும் அவர்களது தேர்வாக தேர்ந்தெடுக்கப்பட்டனர்.

English summary

Bollywood superstar Shah Rukh Khan, a doting dad of Aryan and Suhana, has been voted as India's most popular father in a Father's Day poll conducted by a website. He got more votes than megastar Amitabh Bachchan, who has a daughter and a son.