அம்மா உணவகத்தை மேம்படுத்த ரூ. 1.36 கோடி

சென்னை: சென்னை மாநகராட்சியின் அம்பத்தூர் மண்டலத்தில் உள்ள 15 அம்மா உணவகங்களை மேம்படுத்துவதற்காக ரூ. 1.36 கோடி நிதியை சென்னை மாநகராட்சி ஒதுக்கியுள்ளது.

சென்னையில் தொடங்கி தமிழகத்தின் அனைத்து மாநகராட்சிகளிலும் அம்மா உணவகம் எனப்படும் மலிவு விலை உணவகங்கள் தொடங்கப்பட்டு வெற்றிகரமாக இயங்கி வருகின்றன.

சென்னையில் அம்பத்தூர் மண்டலத்தில் 15 வார்டுகள் உள்ளன. ஒவ்வொன்றிலும் ஒரு அம்மா உணவகம் உள்ளது. அங்கு பல அடிப்படை வசதிக் குறைவு இருந்து வருகிறது. இதையடுத்து அவற்றை மேம்படுத்த நிதி ஒதுக்கீடு செய்யப்பட்டுள்ளது.

இந்த மண்டலத்தில் உள்ள உணவகங்களை மேம்படுத்த, மாநகராட்சி, 1.36 கோடி ரூபாய் நிதி ஒதுக்கியுள்ளது. இதில், 93வது வார்டில் உள்ள முகப்பேர் கிழக்கு உணவகத்தில், கூடுதல் கட்டடம், சுற்றுச்சுவர் அமைக்கும் பணிகளும் மற்ற வார்டுகளில் தற்போதுள்ள கட்டடங்கள் பராமரிப்பு மற்றும் கூடுதல் கட்டட ங்கள் அமைக்கும் பணிகளும் மேற்கொள்ளப்பட உள்ளன.

English summary

Chennai corporation has allotted Rs. 1.36 cr fund for Amma canteen development in Ambattur circle.