சென்னையில் நாளை திமுக நிர்வாக குழு கூட்டம்

சென்னை: திமுக நிர்வாக குழு கூட்டம் அண்ணா அறிவாலயத்தில் அக்கட்சியின் தலைவர் கருணாநிதி தலைமையில் நாளை நடக்கிறது.

திமுக நிர்வாக குழு கூட்டம் நாளை (17.6.2013) காலை 10 மணிக்கு சென்னையில் உள்ள அண்ணா அறிவாலயத்தில் நடக்கிறது. இந்த கூட்டத்திற்கு திமுக தலைவர் கருணாநிதி தலைமை தாங்குகிறார். இந்த கூட்டத்தில் அனைத்து மாவட்ட செயலாளர்கள், எம்.பி.க்கள், எம்.எல்.ஏ.க்கள், நிர்வாக குழு உறுப்பினர்கள், தலைமை கழக நிர்வாகிகள் கலந்து கொள்கின்றனர்.

இந்த கூட்டத்தில் மாநிலங்களவை தேர்தல் குறித்தும், காங்கிரஸ் கூட்டணி குறித்தும், சேது சமுத்திர திட்டத்தை நிறைவேற்ற வலியுறுத்துவது குறித்தும் ஆலோனை நடத்தி தீர்மானம் நிறைவேற்ற உள்ளதாக கூறப்படுகின்றது.

இதன் காரணமாக நிர்வாக குழு உறுப்பினர்கள் அனைவரும் தவறாது கூட்டத்தில் கலந்து கொள்ளும்மாறு திமுக பொதுச் செயலாளர் அன்பழகன் கேட்டுக் கொண்டுள்ளார்.

English summary

DMK executive committee meet will be held in Chennai on monday.