ரூ.8.56 கோடியில் இருந்து ரூ.26.67 கோடியாக அதிகரித்த கனிமொழியின் சொத்து மதிப்பு

சென்னை: திமுக எம்.பி. கனிமொழியின் சொத்துக்கள் கடந்த 6 ஆண்டுகளில் ரூ.8.56 கோடியில் இருந்து ரூ.26.67 கோடியாக அதிகரித்துள்ளது.

திமுக எம்.பி. கனிமொழி மீண்டும் ராஜ்யசபா தேர்தலில் போட்டியிடுகிறார். இதற்கான வேட்புமனுவை அவர் நேற்று தாக்கல் செய்தார். வேட்புமனு தாக்கலின்போது தனது சொத்து விவரங்களை அவர் அளித்தார். தனக்கு ரூ.16.67 கோடி மதிப்புள்ள அசையும் சொத்துக்கள் மற்றும் ரூ.10 கோடி அசையா சொத்துக்கள் என்று மொத்தம் ரூ.26.67 கோடிக்கு சொத்துக்கள் இருப்பதாக தெரிவித்துள்ளார்.

கடந்த 6 ஆண்டுகளுக்கு முன்பு அவரிடம் ரூ.8.56 கோடி மதிப்புள்ள சொத்துக்கள் தான் இருந்தது என்பது குறிப்பிடத்தக்கது. அவரிடம் கடந்த 6 ஆண்டுகளுக்கு முன்பு 360 கிராம் தங்க நகைகள் இருந்தது. ஆனால் தற்போது 700 கிராம் தங்க நகைகள் உள்ளன. ஆனால் கடந்த 2007ம் ஆண்டைப் போலவே தற்போதும் அவரிடம் 10 காரட் வைரம் நகைகள் தான் உள்ளது.

மேலும் கலைஞர் தொலைக்காட்சியில் தனக்கு ரூ.2 கோடி மதிப்புள்ள பங்குகள் உள்ளதாக அவர் தெரிவித்துள்ளார்.

English summary

DMK Rajya Sabha MP Kanimozhi's assets have registered over three-fold increase in the last six years to Rs 26.67 crore from Rs 8.56 crore.