ஈரான் புதிய அதிபராக ஹசன் ரெளஹானி தேர்வு

டெஹ்ரான்: ஈரான் நாட்டில் நடந்த அதிபர் தேர்தலில் ஹசன் ரெளஹானி வெற்றி பெற்றுள்ளார். இதன் மூலம் எட்டு வருட கால மஹமூத் அகமதிநிஜாத்தின் ஆட்சி முடிவுக்கு வந்துள்ளது.

மிதவாதி என்று அறியப்படுபவர் ரெளஹானி. அவரது வெற்றியை ஈரான் ஊடகங்கள் வரவேற்றுப் பாராட்டியுள்ளன.

இதுகுறித்து எதிமாட் செய்தித்தாள் வெளியிட்டுள்ள செய்தியில், ஈரானுக்கும், புதிய அதிபருக்கும் வாழ்த்துகள். நம்பிக்கை நட்சத்திரம் புதிய அதிபர் என்று பாராட்டியுள்ளது.

அர்மான் என்ற பத்திரிக்கை வெளியிட்டுள்ள செய்தியில், நவீனத்துவத்தின் சூரியன் உதயமாகியிருக்கிறது என்று வரவேற்றுள்ளது.

அகமதிநிஜாத்தின் ஆட்சிக்காலத்தில் பல்வேறு சர்ச்சைகளில் ஈரான் சிக்கியது. மேலும் சர்வதேச அளவிலும் அது தனிமைப்படுத்தப்பட்டது. இந்த நிலையில் ரெளஹானியின் தேர்வு புதிய திருப்பத்தை ஏற்படுத்தும் என்று எதிர்பார்க்கப்படுகிறது.

English summary

The election of moderate cleric Hassan Rouhani as Iran president signals a return of hope and reforms and that the people desire a policy of moderation over extremism, newspapers said on Sunday.