பொருந்தாத காதல் திருமணம் விவாகரத்தில் முடிந்துள்ளது: பாஜக கூட்டணி முறிவு குறித்து லாலு

பாட்னா: 'காதல் திருமணம் செய்து கொண்ட பொருந்தாத இருவர் இப்போது விவாகரத்து செய்து விட்டனர்' என ஐக்கிய ஜனதாதளம்-பாரதீய ஜனதா கூட்டணி முறிவு குறித்து ராஷ்டீரிய ஜனதாதள தலைவர் லாலு பிரசாத் யாதவ் கருத்து தெரிவித்துள்ளார்.

ஐக்கிய ஜனதாதளம்-பாரதீய ஜனதா கூட்டணி முறிந்து விட்டதாக நேற்று அறிவிக்கப்பட்டது. இதைக் கேலி செய்யும் விதமாக கருத்து தெரிவித்துள்ளார் லாலு. அதில் அவர் கூறியிருப்பதாவது, ‘சரத் யாதவும், நிதிஷ்குமாரும் புறக்கணிக்கப்பட்ட பாரதீய ஜனதா தலைவரான எல்.கே.அத்வானிக்கு ஆதரவாக சதி செய்து விட்டனர். 'காதல் திருமணம் செய்து கொண்ட பொருந்தாத இருவர் இப்போது விவாகரத்து செய்து விட்டனர்'

ஆர்.எஸ்.எஸ். நரேந்திரமோடிக்கு ஆதரவாக அத்வானியை ஓரம் கட்டியதால், அவர் ஐக்கிய ஜனதாதளத்தை தூண்டிவிட்டுள்ளார். நிதிஷின் மோடி எதிர்ப்பு நடவடிக்கை முஸ்லிம்களின் ஓட்டுகளை கவருவதற்காக ஒரு கண்துடைப்பு தான். இரு கட்சிகளுக்கும் பீகார் மக்கள் 2014 பாராளுமன்ற தேர்தலிலும், 2015 சட்டமன்ற தேர்தலிலும் பாடம் புகட்டுவார்கள்' எனக் கிண்டலாகக் கூறியுள்ளார்.

English summary

RJD President Lalu Prasad today described the parting of ways between the JD(U) and the BJP as a divorce of love marriage between two mismatching partners, saying it was merely to keep him out of power.