புதிய தலைமுறை டிவி அலுவலகம் உட்பட எஸ்.ஆர். குழும நிறுவனங்களில் ஐ.டி. ரெய்டு!

By Mathi

Updated: Tuesday, June 18, 2013, 11:28 [IST]

Subscribe to Oneindia Tamil

சென்னை/திருச்சி: புதிய தலைமுறை தொலைக்காட்சியின் அலுவலகம் உட்பட எஸ்.ஆர்.எம். பல்கலைக் கழக குழுமத்துக்குச் சொந்தமான பல நிறுவனங்களில் வருமான வரித்துறை அதிகாரிகள் இன்று காலை முதல் அதிரடி சோதனை நடத்தி வருகின்றனர்.

எஸ்.ஆர்.எம். குழுமத்துக்கு பல கல்வி நிறுவனங்கள், வேந்தர் மூவிஸ் என்ற சினிமா தயாரிப்பு நிறுவனம், புதிய தலைமுறை தொலைக்காட்சி உள்ளிட்டவை இருக்கின்றன. இன்று காலை எஸ்.ஆர்.எம். குழுமத்துக்கு சொந்தமான இந்த நிறுவனங்களில் வருமான வரித்துறை அதிகாரிகள் திடீரென சோதனை நடத்தினர்.

சென்னை அசோக் நகரில் இருக்கும் எஸ்.ஆர்.எம். குழும தலைவர் பாரிவேந்தர் வீடு, ஈக்காட்டுதாங்கல் புதிய தலைமுறை தொலைக்காட்சி அலுவலகம், வளசரவாக்கம், வடபழனி, ராமாபுரம், தியாகராய நகர், அசோக் நகர், காட்டாங்கொளத்தூர், திருச்சி என 30க்கும் மேற்பட்ட இடங்களில் கல்லூரிகள், நிறுவனங்களின் அலுவலகங்களில் இச் சோதனை நடைபெற்று வருகிறது.