ராஜாவுக்கு சீட்டைக் கொடுத்த தங்கமுத்துவுக்கு வாரியத் தலைவர் பதவி

சென்னை: இந்தியக் கம்யூனிஸ்ட் கட்சி வேட்பாளராகப் போட்டியிடும் டி.ராஜாவுக்காக ராஜ்யசபா தேர்தலிலிருந்து வாபஸ் பெற்ற கே.தங்கமுத்துவுக்கு வாரியத் தலைவர் பதவியை அதிமுக அரசு அளித்துள்ளது.

தமிழ்நாடு குடிசை மாற்று வாரியத் தலைவராக தங்கமுத்துவை அரசு நியமித்துள்ளது. ஒரு வருடத்திற்கு அவர் இப்பதவியில் இருப்பார்.

ராஜ்யசபா தேர்தலில் அதிமுக சார்பில் போட்டியிடுவதாக அறிவிக்கப்பட்ட ஐவரில் ஒருவர்தான் இந்த தங்கமுத்து. இந்த நிலையில் திடீர் திருப்பமாக இந்திய கம்யூனிஸ்ட் கட்சிக்கு அதிமுக தனது ஆதரவைத் தெரிவித்தது. இதைத் தொடர்ந்து வேட்பாளர் டி.ராஜாவுக்கு ஆதரவாக தங்கமுத்து வாபஸ் பெற்றார்.

இதைத் தொடர்ந்து தங்கமுத்துவை வாரியத் தலைவராக்கி விட்டார் முதல்வர் ஜெயலலிதா.

English summary

ADMK RS candidate Thangamuthu, who withdrawn his candidacy has been appointed as the chairman of Tamil Nadu slum clearance board.