ஆர்.எஸ்.எஸ். தலைவர் பகவத்தை சந்தித்து பேசிய நிதின் கட்காரி

By Siva

Published: Wednesday, June 19, 2013, 11:42 [IST]

Subscribe to Oneindia Tamil

டெல்லி: பாஜக முன்னாள் தலைவர் நிதின் கட்காரி ஆர்.எஸ்.எஸ். தலைவர் மோகன் பகவத்தை இன்று டெல்லியில் சந்தித்து பேசினார்.

பாஜகவில் பெரிய மாற்றங்கள் ஏற்பட்ட பிறகு அக்கட்சியின் முன்னாள் தலைவர் நிதின் கட்காரி ஆர்.எஸ்.எஸ். அமைப்பின் தலைவர் மோகன் பகவத்தை இன்று டெல்லியில் வைகத்து சந்தித்து பேசியுள்ளார். பாஜகவில் மோடிக்கு முக்கிய பதவி வழங்கிய பிறகு கட்காரி பகவத்தை சந்தித்துள்ளார் என்பது குறிப்பிடத்தக்கது.

இந்நிலையில் பகவத் பாஜக தலைவர் எல்.கே. அத்வானியை இன்று சந்தித்து பேசுகிறார். பாஜக பிரச்சாரக் குழு தலைவராக குஜராத் முதல்வர் மோடி நியமிக்கப்பட்டவுடன் அத்வானி கட்சி பொறுப்புகளை ராஜினாமா செய்தபோது அவரை அதை வாபஸ் பெற வைத்தவர்களில் பகவத்தும் ஒருவர்.

பகவத் அத்வானியை சந்திக்கும் முன்பு தான் அவரை கட்காரி சந்தித்து பேசியுள்ளார் என்பது குறிப்பிடத்தக்கது.

Published On June 19, 2013