ஒரு சதவீதம் மார்க் குறைவு- விளையாட்டுப் பிரிவில் பரிந்துரைக்கப்பட்ட மாணவி தகுதியிழந்தார்!
விளையாட்டுப் பிரிவில் சிறந்து விளங்குவோருக்கு எம்.பி.பி.எஸ். படிப்பில் 3 இடங்கள் ஒதுக்கப்படுகிறது. கடந்த ஆண்டுகளைப் போலவே இந்த ஆண்டும் எம்.பி.பி.எஸ். படிப்பு விளையாட்டுப் பிரிவுக்கு உரிய 3 இடங்களுக்கு 5 மாணவர்கள் பட்டியலை அண்ணா பல்கலைக்கழகம் மருத்துவக் கல்வி தேர்வுக் குழுவுக்கு நேற்று முன்தினம் அனுப்பியது.
இந்நிலையில் சென்னை கீழ்ப்பாக்கம் மருத்துவக் கல்லூரி அரங்கில் விளையாட்டில் சிறந்து விளங்குவோர், மாற்றுத் திறனாளிகள், முன்னாள் ராணுவ வீரர்களின் குழந்தைகள் ஆகிய சிறப்புப் பிரிவினரை எம்.பி.பி.எஸ். படிப்பில் சேர்ப்பதற்கான கலந்தாய்வு நேற்று செவ்வாய்க்கிழமை நடைபெற்றது.அண்ணா பல்கலைக்கழகம் அனுப்பிய பரிந்துரை பட்டியலில் இடம்பெற்ற மாணவி நித்யலட்சுமியின் மதிப்பெண் சான்றிதழை மருத்துவக் கல்வி தேர்வுக் குழு அதிகாரிகள் சரி பார்த்தபோது வேதியியல் பாடத்தில் தகுதி மதிப்பெண் ஒரு சதவீதம் குறைவாக 59% மட்டும்தான் இருந்தது. இதனால் அவர் தகுதி இழந்தார்.
விளையாட்டுப் பிரிவில் பி.டி.எஸ். படிப்புக்கு ஒதுக்கீடு இல்லாததால் நித்யலட்சுமியின் மருத்துவ படிப்பு ஆசை நிறைவேறவில்லை. மாற்றத் திறனாளிகள் பிரிவில் பாதிப் பேர் மருத்துவ பரிசோதனைக்குப் பின்னர் இடம் கிடைக்காமல் வீடு திரும்பினர்.
Click it and Unblock the Notifications
Sign in with Google