ஐன்ஸ்டீன் அளவுக்கு ஐ.க்யூ.: 10 வயதில் ஹார்வர்ட் பல்கலைக்கழகத்தில் படிக்கப் போகும் சுட்டிப் பையன்

மெக்சிகோ சிட்டி: விஞ்ஞானி ஆல்பர்ட் ஐன்ஸ்டீனுக்கு சமமான ஐக்யூ உள்ள 10 வயது மெக்சிகோ சிறுவன் ஹார்வர்டு பல்கலைக்கழகத்தில் சேர்ந்து படிக்கப் போகிறார்.

மெக்சிகோவில் உள்ள மிசோகான் மாநிலத்தில் உள்ள ஜமோரா நகரைச் சேர்ந்தவர் லூயி ராபர்டோ ராமிரெஸ்(10). ராமிரெஸுக்கு பிற குழந்தைகளுடன் சேர்ந்து பழகுவதில் பிரச்சனை இருந்ததை அவரது பெற்றோர் கடந்த 2 ஆண்டுகளுக்கு முன்பு கண்டுபிடித்தனர்.

மேலும் 8 வயது சிறுவனுக்குரிய குணாதிசயங்கள் ராமிரெஸிடம் இல்லை. இதையடுத்து அவருக்கு ஐக்யூ டெஸ்ட் செய்தனர்.

ஐன்ஸ்டீன் மாதிரி

ராமிரெஸின் ஐக்யூ 152 முதல் 160 வரை உள்ளது கண்டுபிடிக்கப்பட்டது. விஞ்ஞானி ஐன்ஸ்டீனின் ஐக்யூ அளவும் அவ்வளவு தான் என்பது குறிப்பிடத்தக்கது.

ஹார்வர்ட்

ராமிரெஸ் வரும் கல்வியாண்டில் ஹார்வர்ட் பல்கலைக்கழகத்தில் அப்ளைட் குவாண்டம் பிசிக்ஸ் படிக்கவிருக்கிறார்.

தானாக கற்கும் சிறுவன்

ராமிரெஸ் தனக்கு 5 வயது இருக்கையில் தானாக ஆங்கிலம் கற்றுக் கொண்டுள்ளார். தற்போது பிரெஞ்சு மற்றும் சீன மொழிகளை கற்று வருகிறார். ஒரு நிறுவனத்தை துவங்கி தனது கண்டுபிடிப்புகளை விற்க வேண்டும் என்பது தான் அவரது கனவாம்.

English summary

He's only 10-years old but thanks to an IQ similar to Albert Einstein's, Luis Roberto Ramirez will begin the next school year studying applied quantum physics at Harvard University.