நீங்க வருஷத்துக்கு 100 மணி நேரமா குளிப்பீங்க...??

Updated: Friday, August 16, 2013, 11:43 [IST]

Subscribe to Oneindia Tamil

லண்டன்: இங்கிலாந்தில் சராசரியாக ஒவ்வொருவரும் வருடத்திற்கு 100 மணி நேரத்தை பாத்ரூமிலேயே கழிப்பதாக ஆய்வு ஒன்றில் தெரிவித்துள்ளனர்.

மேலும் குளிப்பது குறித்துப் பேசி மேலும் பல மணி நேரத்தை சாப்பிடுகிறார்களாம் இங்கிலாந்துவாசிகள்.

இ ஆன் என்ற நிறுவனம் இந்த கருத்துக் கணிப்பை நடத்தி முடிவை வெளியிட்டுள்ளது.

அவங்களும் குளிப்பாங்கப்பா

நம்ம ஊரில், வெள்ளைக்காரர்கள் குளிக்க மாட்டார்கள், குளிப்பதற்கு முக்கியத்துவம் தர மாட்டார்கள் என்று சின்னஞ் சிறு வயதில் நாமெல்லம் பேசிக் களித்திருப்போம். ஆனால் பாத்ரூமுக்கு இங்கிலாந்தில் நிறைய முக்கியத்துவம் தருகிறார்களாம்.

ஆனா லைட்டாதான் குளிப்பாங்களாம்

அதேசமயம், நீண்ட நேர குளியலை பெரும்பாலானவர்கள் விரும்புவதில்லையாம். அதாவது 20 சதவீதம் பேர் நீண்ட நேரம் குளிப்பது போர் என்று கூறியுள்ளனர்.

சேச்சே.. ஷவர் பாத் அலர்ஜிப்பா

15 சதவீத பெண்கள், நீண்ட நேரம் ஷவரில் இருந்தால் அலர்ஜியாகி விடும் என்று சொல்லி அலற வைத்துள்ளனர்.

19.5 நிமிடம் மட்டும்தான்

பாத்ரூமில் ஒவ்வொருவரும் சராசரியாக 19.5 நிமிடங்கள் இருக்கிறார்களாம்.

வாரத்துக்கு 5 ஷவர்.. 3 பாத்...

வாரத்திற்கு 5 முறை ஷவர் குளியல் போடுகிறார்களாம். 3 முறை சாதாரண குளியல் போடுகிறார்களாம்.

அங்கேயும் பெண்கள்தாங்க லீடிங்

பாத்ரூமில் அதிக நேரம் செலவிடுவதில் பெண்கள்தான் நமது நாட்டில் முன்னணியில் உள்ளனர். இங்கிலாந்திலும் அதே கதைதானாம். அதாவது சராசரியாக 9.5 நிமிடம் வரை பாத்ரூமில் இருப்பார்களாம்.

ஆண்கள் கொஞ்சம் ஃபாஸ்ட் பாஸ்

ஆண்கள் சீக்கிரமே குளித்து முடித்து விடுவார்களாம். அதாவது அவர்கள் 9 நிமிடங்கள் எடுத்துக் கொள்கிறார்களாம். சோப்பு போடுவாங்களோ என்னவோ...

இளைஞர்களின் உலகமே பாத்ரூம்தானாம்

இளைய தலைமுறையினர்தான் பாத்ரூமில் அதிக நேரம் கழிக்கிறார்களாம். அதாவது 18 முதல் 24 வயதுடையவர்கள் சராசரியாக 13 முதல் 22 நிமிடம்வரை எடுத்துக் கொள்கிறார்களாம்.

தாத்தா, பாட்டிகளுக்கு 7 நிமிஷம் போதுமாம்

65 மற்றும் அதற்கு மேற்பட்ட வயதினர் ஷவரில் குளிப்பதாக இருந்தால் 7 நிமிடத்திலேயே பிரஷ்ஷாகி விடுகிறார்களாம். அதுவே உட்கார்ந்து குளிப்பதாக இருந்தால் 17 நிமிடம் ஆகுமாம்.