அமெரிக்காவில் மண மணக்கும் ‘பீட்சா’ டிவிடிக்கள்....!
நியூயார்க்: நம்ம விஜய் சேதுபதி நடித்த த்ஹிகில் படமான ‘பீட்சா'வின் டிவிடி விற்பனை தான் அமெரிக்காவில் சக்கை போடு போடுகிறது எனத் தலைப்பை பார்த்து நீங்கள் தவறாக புரிந்து கொண்டால், அதற்கு நாங்கள் பொறுப்பல்ல...
அப்புறம் இது என்ன பீட்சா டிவிடினு கேட்குறீங்களா....
இந்த பீட்சா டிவிடியை டிவியில் போட்டு படம் பார்க்கும் போது, பீட்சா சாப்பிட்டது போன்ற உணர்வை இதில் உருவாகும் வாசனை உண்டாக்குகிறதாம்.
அமெரிக்க கலாச்சாரம்...
அமெரிக்க போன்ற நாடுகளில் பீட்சா சாப்பிட்டுக் கொண்டே சினிமாவைப் பார்ப்பது பலரது பொழுதுபோக்கு. வாடிக்கையாளர்களின் தேவையைக் கருத்தில் கொண்டு, வியாபாரத்தில் புது யுக்தியைப் புகுத்தி இருக்கிறார்கள் ‘டெமினோஸ்' ங்கற தென் அமெரிக்க டிவிடி விற்பனை நிறுவனம்.
பீட்சா மணம்...
டிவிடிகளின் மீது பீட்சா மணத்தை உண்டாக்கும் ஒரு சிறப்பு மை மற்றும் வார்னிஷ் பூசப்பட்டுள்ளன. இதனால், இத்தகைய டிவிடிக்களை டிவியிலோ அல்லது கம்யூட்டரிலோ போட்டு ஓட விடும் போது அவை பீட்சா வாசனையை உண்டாக்குகின்றனவாம்.
சாப்பிட்ட திருப்தி...
படம் முடிந்து டிவிடியை பிளேயரில் இருந்து வெளியே எடுக்கும் போது, அதிகபட்ச வாசனையை இந்த டிவிடிக்கள் வெளிப்படுத்துமாம். இதனால், படத்தைப் பார்ப்பவர்களுக்கு பீட்சா சாப்பிட்டதைப் போன்ற உணர்வு ஏற்படும் என நம்பிக்கை தெரிவித்துள்ளனர் டிவிடி நிறுவனத்தினர்.
Click it and Unblock the Notifications
Sign in with Google