கையில 23 ரூபாய் இருந்தா தைரியமா, நீங்க நகரத்துல ‘குப்பை’ கொட்டலாம்...

Updated: Saturday, June 22, 2013, 9:33 [IST]

Subscribe to Oneindia Tamil

டெல்லி: அன்றாட வாழ்க்கையைக் கழிப்பதற்கு நகரங்களில் 23 ரூபாயும், கிராமக்களில் 17 ரூபாயும் மட்டுமே போதுமானதாக இருப்பதாக கருத்துக்கணிப்பு தெரிவித்துள்ளது.

நேஷனல் சாம்பிள் சர்வே ஆபீஸ் என்ற அமைப்பு, கிராமப்புறங்கள் மற்றும் நகரங்களில் மக்களின் அன்றாட செலவு குறித்து நடத்திய ஆய்வில் இது தெரிய வந்துள்ளது.

இந்த ஆய்வானது, 2011-ம் ஆண்டு ஜூலை மாதம் முதல் 2012-ம் ஆண்டு ஜூன் மாதம் வரையிலான இடைப்பட்ட கால கட்டத்தில் மேற்கொள்ளப்பட்டது.

ஆய்வுக்களம்...

ஆய்வுக்காக 7,496 கிராமங்களும், 5,263 நகரப் பகுதிகளிலும் விவரங்கள் சேகரிக்கப்பட்டன. அதன் அடிப்படையில் ஒரு புள்ளி விவரம் வெளியிடப்பட்டுள்ளது.

தினசரி செலவு...

ஆய்வில், கிராமங்களில் வாழ ஏழைகள், ஆளொன்றுக்கு 17 ரூபாய் செலவு செய்வதாகவும், இது நகரங்களில் 23 ரூபாயாக உள்ளது.

அடித்தட்டு மக்களின் வாழ்க்கை முறை...

அடிமட்டத்தில் உள்ள 5 சதவீத ஏழைகளின் சராசரி மாதந்திர செலவு கிராமங்களில் தலைக்கு ரூ.521.44 ஆகவும், நகரங்களில் தலைக்கு ரூ.700.50 ஆகவும் இருப்பதாக அந்த ஆய்வில் கூறப்பட்டுள்ளது.

மெல்தட்டு மக்களின் வாழ்க்கைத்தரம்...

மேல்தட்டு மக்களின் முதல் 5 சதவீதம் பேர் சராசரியாக மாதம் நபரொன்றுக்கு, ரூ.4 ஆயிரத்து 481 ஆகவும், நகர்ப்பகுதிகளில் நபரொன்றுக்கு ரூ.10 ஆயிரத்து 282 ஆகவும் இருப்பதாக அந்த புள்ளி விவரம் தெரிவிக்கிறது.

மாதாந்திரச் செலவு...

அகில இந்திய சராசரி கணக்கின்படி, கிராமங்களில் ஒருவரின் மாதாந்திர செலவு ரூ.1, 430 ஆகவும், நகர்ப்பகுதிகளில் ஒருவரின் மாதாந்திர செலவு ரூ.2, 630 ஆகவும் இருப்பதாக அந்த புள்ளி கூறுகிறது. நகர்ப்புற மக்களின் சராசரி மாதாந்திர செலவு, கிராம மக்களின் சராசரி மாதாந்திர செலவை விட 84 சதவீதம் அதிகம் என தெரிய வந்துள்ளதாம்

சாப்பாட்டுச் செலவு...

2011-2012 கால கட்டத்தில், உட்கொள்ளப்பட்ட உணவு அளவில், சராசரி கிராமப்புற இந்தியன், 52.9 சதவீத உணவு உட்கொண்டிருப்பதாகவும் அதில், 10.8 சதவீதம் தானியங்கள் , 8 சதவீதம் பால் மற்றும் பால் பொருட்கள், 7.9 சதவீதம் பானங்கள், சிற்றுண்டி, பதப்படுத்தப்பட்ட உணவுகள், 6.6 சதவீத காய்கறிகள் என வகைப்படுத்தப் பட்டுள்ளன.

உணவைத் தாண்டி செலவுகள்...

உணவைத் தாண்டி, எரிபொருள் மற்றும் விளக்குகளுக்கு 8 சதவீதமும், துணி மற்றும் காலணிகளுக்கு 7 சதவீதமும், மருத்துவ செலவாக 6.7 சதவீதமும், கல்விக்கு 3.5 சதவீதமும், இதர நுகர்வோர் சேவைகளுக்கு 4 சதவீதமும் செலவழித்து மக்கள் செலவழிப்பதாக புள்ளி விவரம் தெரிவிக்கிறது.