டாக்டர் போனது ஷாக்காக உள்ளது... சரத்குமார்

Published: Sunday, June 23, 2013, 15:50 [IST]

Subscribe to Oneindia Tamil

மதுரை: திமுக கூட்டணிக்கு ராஜ்யசபா தேர்தலில் டாக்டர் கிருஷ்ணசாமி தலைமையிலான புதிய தமிழகம் கட்சி ஆதரவு தெரிவிக்க முடிவு செய்தது அதிர்ச்சி அளிப்பதாக அகில இந்திய சமத்துவ மக்கள் கட்சித் தலைவர் சரத்குமார் கூறியுள்ளார்.

மதுரை வந்த அவர் அங்கு செய்தியாளர்களிடம் பேசுகையில்,

அதிமுக கூட்டணியில் புதிய தமிழகம் விலகியது அதிர்ச்சி அளிக்கிறது. ராஜ்யசபா தேர்தல் விவகாரத்தில், காங்கிரஸ் இன்னமும் மதில்மேல் பூனையாக இருக்கிறது. அது திமுகவை ஆதரிப்பதா? இல்லை தேமுதிகவை ஆதரிப்பதா? என்று முடிவெடுக்காமல் உள்ளது.

எங்களது கூட்டணியில் இருக்கும் கம்யூனிஸ்ட்டுக்கு அதிமுக ஆதரவு கொடுத்ததை பெருந்தன்மையுடன் ஏற்றுக்கொள்கிறோம்.

முதல்வர் ஜெயலலிதா தலைமையிலான ஆட்சி பொற்கால ஆட்சி. அம்மா குடிநீர் திட்டம், அம்மாவின் உணவகம் என எல்லாமே அம்மாவின் திட்டமாக , நல்ல திட்டமாக இருக்கிறது என்றார் சரத்குமார்.

Published On June 23, 2013