ராஜ்யசபா தேர்தல்.. காங்கிரஸ் ஆதரவு.கனிமொழிக்கு 32 எம்.எல்.ஏக்கள்..வெற்றி கன்ஃபார்ம்!

சென்னை: ராஜ்யசபா தேர்தலில் திமுக வேட்பாளர் கனிமொழியை ஆதரிப்பதாக காங்கிரஸ் அறிவித்துள்ளதால் அவரது வெற்றி உறுதியாகி இருக்கிறது.

ராஜ்யசபா தேர்தல் தமிழகத்தில் 27-ந் தேதி நடைபெறுகிறது. 6 இடங்களுக்கான தேர்தலில் அதிமுக அணியின் 5 வேட்பாளர்கள் வெற்றி பெறுவது உறுதியாகிவிட்டது. 6வது எம்.பி. இடத்துக்கு திமுகவின் கனிமொழியும் தேமுதிகவின் இளங்கோவனும் போட்டியிடுவதால் வாக்குப் பதிவு நடைபெற உள்ளது.

திமுக வேட்பாளர் கனிமொழிக்கு தலா 2 எம்.எல்.ஏக்களைக் கொண்டிருக்கும் மனிதநேய மக்கள் கட்சியும் புதிய தமிழகமும் ஆதரவு தெரிவித்துள்ளது. இதனால் அவருக்கு 27 எம்.எல்.ஏக்கள் ஆதரவு கிடைத்திருக்கிறது. தேமுதிகவுக்கு 22 எம்.எல்.ஏக்கள் ஆதரவு உள்ளது.

இதனால் இரண்டு கட்சிகளும் 5 எம்.எல்.ஏக்களைக் கொண்ட காங்கிரசின் ஆதரவை கோரி இருந்தன. தேமுதிகவின் கோரிக்கையை நிராகரித்த காங்கிரஸ், திமுகவை ஆதரிக்கப் போவதாக அறிவித்துள்ளது. இதனால் திமுகவின் கனிமொழிக்கு 32 எம்.எல்.ஏக்கள் ஆதரவு உள்ளது. ஆனால் தேமுதிகவின் வேட்பாளருக்கு 22 எம்.எல்.ஏக்கள்தான் உள்ளனர். அக்கட்சியின் அதிருப்தி எம்.எல்.ஏக்கள் 7 பேரோ அதிமுகவுக்கு வாக்களிப்போம் என்று அறிவித்துவிட்டனர்.

இதனால் திமுக வேட்பாளர் கனிமொழியின் வெற்றி உறுதியாகி இருக்கிறது.

English summary

The Congress today officially announced that its five MLAs in Tamil Nadu would support its former ally the DMK's M Kanimozhi for a second term in the Rajya Sabha. This announcement ensures Ms Kanimozhi's re-election to the upper house.