விமானி பிரவீண் மறைவுக்கு கருணாநிதி இரங்கல்

சென்னை: உத்தரகாண்ட் மாநிலத்தில் மீட்புப் பணியின்போது ஹெலிகாப்டர் விபத்துக்குள்ளாகி உயிரிழந்த மதுரையைச் சேர்ந்த விமானி பிரவீண் மறைவுக்கு திமுக தலைவர் கருணாநிதி இரங்கல் தெரிவித்துள்ளார்.

இதுதொடர்பாக அவர் வெளியிட்டுள்ள இரங்கல் செய்தியில்,

உத்தரகாண்ட் மாநிலத்தில் வெள்ளப்பெருக்கு மற்றும் நிலச்சரிவுகளில் சிக்கி ஆயிரக்கணக்கானவர்கள் பாதிக்கப்பட்ட போது, ஹெலிகாப்டர் மூலமாக பேரிடரிலிருந்து மீட்கும் பணியில் ஈடுபட்ட நேரத்தில், நிகழ்ந்த விபத்தினால் மதுரை மாநகரைச் சேர்ந்த இந்திய விமானப் படை விமானி, 27 வயதே நிரம்பிய வாலிபர், பிரவீண் உயிரிழந்த செய்தி என்னைப் பேரதிர்ச்சிக்கு உள்ளாக்கி, வருத்தமடைய வைத்தது.

மதுரை விமானி பிரவீன் உடல் மதுரைக்கு கொண்டு வரப்பட்டு அரசு மரியாதையுடன் உடல் எரியூட்டப்பட்டுள்ளது. விபத்தில் சிக்கி உயிரிழந்த விமானி பிரவீணின் அன்பு அன்னையாருக்கும், அவருடைய குடும்பத்தினருக்கும் என் ஆழ்ந்த இரங்கலைத் தெரிவித்துக் கொள்கிறேன் என்று கருணாநிதி குறிப்பிட்டுள்ளார்.

English summary

DMK chief Karunanidhi has condoled the death of IAF pilot Praveen.