ஐஐடி குவஹாத்தியில் ஆகஸ்ட் 29 முதல் செப்டம்பர் 1 வரை தொழில்சார் மேலாண்மை நிகழ்வு

குவஹாத்தி: அசாம் தலைநகர் குவஹாத்தி ஐஐடியில் ஆகஸ்ட் 29ந் தேதி முதல் செப்டம்பர் 1-ந் தேதி வரை "தொழில்சார் மேலாண்மை" நிகழ்வு நடைபெற உள்ளது. இந்நிகழ்வானது சவால்களை எதிர்கொள்ளக் கூடிய வகையிலான, ஆளுமைப் பண்புகளுக்கான தாக்கத்தை உருவாக்கக் கூடிய விளக்க உரைகளை உள்ளடக்கியதாக ஏற்பாடு செய்யப்பட்டிருக்கிறது.

ஐஐடி குவஹாத்தியில் 15வது ஆண்டாக இந்த தொழில்சார் மேலாண்மை நிகழ்வு நடத்தப்படுகிறது. இந்நிகழ்வில் இடம்பெற்றிருக்கும் சில பிரிவுகளில் ஒன்று "Brain Child"..இதில் கலந்து கொள்வோர் வணிகம்சார் சிந்தனைகளை முன்வைக்க வேண்டும். இதை இந்தியன் ஏஞ்செல் நெட்வொர்க், ஜெமினி நியூ மீடியா, நிர்வானா வென்சுர் அட்வைசர்ஸ், மும்பை ஏஞ்செல்ஸ் ஆகியவற்றை உள்ளடக்கிய நீதிபதிகள் குழு பரிசீலிக்கும். இக்குழு தேர்ந்தெடுக்கும் நபருக்கு ரூ50ஆயிரம் பரிசாக வழங்கப்படும்.

இதேபோல் "Case Study" பிரிவில் ரூ38 ஆயிரம் பரிசுத் தொகை வழங்கப்படும். "Stratagem" என்ற பிரிவில் சந்தைப்படுத்துதலுக்கான திட்டங்களை முன்வைக்க வேண்டும்.

Poster Mania பிரிவில் ஒரு பொருளை எப்படி விளம்பரப்படுத்துவதற்கான சுவரொட்டிகளை உருவாக்க வேண்டும்.

இதேபோல் Biz Quiz. Product Launch, Blue Chips, Virtual Stock Market என பல பிரிவுகளில் போட்டிகள் நடைபெற இருக்கின்றன. இவற்றில் சிறந்தது எது என்பதை துணைவேந்தர்கள், முதலீட்டார்கள், தொழில்முனைவோர் தீர்மானிப்பர்.

நீங்கள் இதில் கலந்து கொள்ள www.techniche.org என்ற இணையதளத்தில் பதிவு செய்து கொள்ளலாம். கூடுதல் விவரங்களை அறிய +91 8876406180 or +91 8011241189 என்ற எண்களில் தொடர்பும் கொள்ளலாம். மின் அஞ்சல் மூலம் தகவல் பெற [email protected]க்கு மெயில் அனுப்பலாம்.

English summary

IIT Guwahati is all set to host Techniche 2013, its annual techno­-management festival from August 29 to September 1