காங்கிரஸ் தலைமையில் வலுவான புதிய கூட்டணி உருவாகுமாம்.. சொல்கிறார் ஜி.கே. வாசன்!

கோவை: அகில இந்திய அளவில் மதசார்பின்மை அடிப்படையில் காங்கிரஸ் தலைமையில் வலுவான புதிய கூட்டணி அமையும் என்று மத்திய கப்பல் போக்குவரத்துத் துறை அமைச்சர் ஜி.கே.வாசன் நம்பிக்கை தெரிவித்துள்ளார்.

கோவையில் செய்தியாளர்களிடம் பேசிய அவர், இனிவரும் 4 மாதங்களில் 5 மாநில சட்டசபைகளுக்கான தேர்தல் நடைபெற உள்ளது. இந்த தேர்தல்களில் ஐக்கிய முற்போக்கு கூட்டணி புதிய கட்சிகளின் வரவுடன் அனைத்து மாநிலங்களிலும் வெற்றி பெறும். அடுத்து நடைபெற உள்ள லோக்சபா தேர்தலில் வெற்றி பெறுவதற்கான புதிய வியூகத்தை காங்கிரஸ் கட்சி வகுக்கும்.

அகில இந்திய அளவில் மதசார்பின்மை அடிப்படையில் காங்கிரஸ் தலைமையில் புதிய கூட்டணி அமையும். இந்த கூட்டணி மூலம் லோக்சபா தேர்தலில் காங்கிரஸ் கட்சி மீண்டும் வெற்றி பெறும் என்றார்

English summary

Union Shipping Minister GK Vasan said, new parties will join the Congress lead UPA.