நெருங்குகிறது 'டேட்'... கொஞ்சம் டென்ஷன் ...நிறைய சந்தோஷத்தில் கேட்

Updated: Thursday, July 4, 2013, 19:01 [IST]

Subscribe to Oneindia Tamil

கேம்பிரிட்ஜ்: பிரசவத்திற்கு டாக்டர்கள் குறித்துக் கொடுத்த நாள் கணக்குப் படி இன்னும் சரியாக ஏழு நாட்களே உள்ள நிலையில், கொஞ்சம் டென்ஷனாகவும், அதே சமயம் மிகவும் சந்தோஷமாகவும் இருக்கிறாராம் கேட் மிடில்டன்.

இன்னும் சரியாக ஒரு வாரத்திலோ அல்லது அதற்கு முன்னதாகவோ வரப் போகும் புதிய விவிஐபிக்காக காத்திருக்கிறார்களாம் கேட்-வில்லியம் தம்பதியோடு உலக மக்களும்.

அதிக எதிர்பார்ப்போடு உலகமே கேட்டின் பிரசவத்தை எதிர்பார்த்துக் காத்துக் கொண்டிருக்கிறது.

நார்மல் டெலிவரி கன்பார்மாம்...

குழந்தையை நல்ல படியாக பெற்றெடுப்பதற்குரிய முழு சக்தியோடு கேட் இருப்பதாக அவரது நெருங்கிய வட்டாரங்கள் தெரிவித்துள்ளன.

மீடியா புகழ்...

வில்லியம்ஸ்க்கு மனைவியான இந்த இரண்டாண்டு காலத்தில் மீடியாக்கலால் அதிகம் பேசப்பட்டவர் கேட் மிடில்டன்.

மகிழ்ச்சியில் கேட்...

வருங்கால இங்கிலாந்தின் மகாராஜாவையோ அல்லது மகாராணியையோ பெற்றுத் தரப்போகும் கேட் ரொம்பவே மகிழ்ச்சியுடன் உள்ளாராம் பிரசவத்தை எதிர்பார்த்து.

இதெல்லாம் சகஜம்பா...

பிரசவ நாளைக் குறித்து உள்ளூர சிறு நடுக்கமும் இருக்கத் தான் செய்கிறதாம் கேட்டுக்கு. புதிதாக தாயாகும் பெண்களுக்கு இதெல்லாம் சகஜம் தான் என்கிறார்களாம் மருத்துவர்கள்.

டெண்ட் அடித்து விட்டார்கள்...

பிரசவ தேதிக்கு இன்னும் நாட்கள் இருக்கின்ற சூழ்நிலையில், கேட் மிடில்டனுக்கு பிரசவம் செய்யப்பட இருக்கின்ற செயிண்ட் மேரி ஹாஸ்பிடலுக்கு முன்னதாக இப்பவே டெண்ட் அடித்து விட்டார்களாம் மீடியாவாலாக்கள்.

நிறைய கடமைகள் இருக்காம்...

குழந்தை பிறப்பதற்கு முன்னதாகவே தங்களது 20 படுக்கை அறைகள் உள்ள புதிய மாளிகையை அலங்கரிக்கும் பணியில் பிசியாக உள்ளாராம் கேட். காரணம், குழந்தை பிறந்த பிறகு அதெற்கெல்லாம் நேரம் இருக்காதாம்.