சேது சமுத்திரத் திட்டத்தை நிறைவேற்றக் கோரி திமுக நாளை ஆர்பாட்டம்

சென்னை: சேது சமுத்திரத் திட்டத்தை நிறைவேற்ற வலியுறுத்தி நாளை திமுக சார்பில் தமிழகம் முழுதுவம் ஆர்ப்பாட்டம் நடபெற உள்ளது.

இது குறித்து தென் சென்னை மாவட்டக் திமுக செயலாளர் ஜெ.அன்பழகன் எம்.எல்.ஏ. வெளியிட்டுள்ள அறிக்கையில் கூறியிருப்பதாவது,

சேது சமுத்திரத் திட்டத்தை நிறைவேற்றக் கூடாது என்று அதிமுக அரசின் சார்பில் உச்ச நீதிமன்றத்தில் தாக்கல் செய்திருக்கும் பிரமாண வாக்குமூலத்தினை திரும்பப் பெறக் கோரியும், சேது சமுத்திரத் திட்டத்தை மேலும் தாமதம் செய்யாமல் உடனே மத்திய அரசு நிறைவேற்றக் கோரி வலியுறுத்தியும் ஜூலை 8 ம் தேதி (திங்கள்கிழமை) அன்று அனைத்து மாவட்டங்களின் தலைநகரங்களிலும் திராவிட முன்னேற்றக் கழகத்தின் சார்பில் கண்டன ஆர்ப்பாட்டங்கள் நடைபெற உள்ளது.

இந்த நிலையில் தென் சென்னை மாவட்ட திமுக சார்பில் நாளை அன்று காலை 9.00 மணியளவில் சேப்பாக்கம் அரசு விருந்தினர் மாளிகை அருகில் சேது சமுத்திரத் திட்டத்தை நிறைவேற்ற வலியுறுத்தி கண்டன ஆர்ப்பாட்டம் நடைபெற உள்ளது.

அதே போல, வடசென்னை மாவட்ட திமுக சார்பில் மாவட்டக் கழகப் பொறுப்பாளர் ஆர்.டி. சேகர் தலைமையில்- தணிக்கைக்குழு உறுப்பினர் எல்.பலராமன், சட்டத்துறை இணைச் செயலாளர் இரா.கிரி ராஜன், சட்டமன்ற முன்னாள் உறுப்பினர்கள் பி.கே.சேகர்பாபு ஆகியோர் முன்னிலையில் நாளை காலை 10 மணியளவில் சென்னை மாவட்ட ஆட்சியர் அலுவலகம் முன்பு ஆர்ப்பாட்டம் நடைபெறுகிறது என்று அவர் அதில் தெரிவித்துள்ளார்.

English summary

DMK will protest tomorrow insisting the centre to complete Sethusamudram project.