கருணாநிதி மருமகன் செல்வத்துக்கு இதய அறுவை சிகிச்சை

By Mathi

Updated: Wednesday, July 10, 2013, 11:11 [IST]

Subscribe to Oneindia Tamil

சென்னை: திமுக தலைவர் கருணாநிதியின் மருமகன் செல்வத்துக்கு சென்னை தனியார் மருத்துமனையில் அறுவை சிகிச்சை மேற்கொள்ளப்பட்டது. அவரை கருணாநிதி நேரில் சந்தித்து நலம் விசாரித்தார்.

கருணாநிதியின் மகள் செல்வியின் கணவரான செல்வத்துக்கு வயது 73. அவருக்கு கடந்த 2-ந் தேதி திடீரென நெஞ்சுவலி ஏற்பட்டது. இதனால் சென்னையில் உள்ள தனியார் மருத்துவமனையில் அவர் அனுமதிக்கப்பட்டார். பின்னர் இதய ரத்த குழாயில் இருந்த அடைப்பை அகற்ற கடந்த 7-ந் தேதி பைபாஸ் அறுவை சிகிச்சை செய்யப்பட்டது.

தற்போது தீவிர சிகிச்சை பிரிவில் அனுமதிக்கப்பட்டிருக்கும் செல்வத்தை திமுக தலைவர் கருணாநிதி நேரில் சந்தித்து நலம் விசாரித்தார். அப்போது மு.க. ஸ்டாலின் மற்றும் குடும்பத்தினர் உடன் இருந்தனர்.