பக்கத்துவீட்டுக்காரரை சட்டையைப் பிடித்து இழுத்து அடித்த நடிகர்: சிசிடிவி கேமராவில் பதிவு

மும்பை: இந்தி நடிகர் ஆதித்யா பஞ்சோலி தனது பக்கத்து வீட்டில் வசிப்பவரை தாக்கியது சிசிடிவி கேமராவில் பதிவாகி உள்ளது.

தற்கொலை செய்து கொண்ட பாலிவுட் நடிகை ஜியா கானின் காதலர் சூரஜ் பஞ்சோலியின் தந்தை ஆதித்யா பஞ்சோலி. இந்தி படங்களில் நடித்து வருகிறார். மும்பை வெர்சோவா பகுதியில் வசிக்கும் ஆதித்யா தனது பக்கத்து வீட்டில் வசிப்பவரை தாக்கியது சிசிடிவி கேமராவில் பதிவாகி உள்ளது.

கேமராவில் பதிவாகியிருப்பதாவது, பார்க்கிங் விவகாரம் காரணமாக தனது பக்கத்துவீட்டுக்கு சென்றுள்ளார் ஆதித்யா. அங்கு அவர் அழைப்பு மணியை அடித்ததும் பக்கத்து வீட்டுக்காரரான பார்கவ் பட்டேல் கதவை திறந்துள்ளார். உடனே ஆதித்யா பட்டேலின் சட்டை காலரைப் பிடித்து அவரை வெளியே இழுத்து கன்னத்தில் அறைந்து மிரட்டுகிறார். இதை பார்த்த மூன்றாவது நபர் ஒருவர் ஆதித்யாவை சமாதானம் செய்கிறார். ஆனால் அவர் அப்படியும் பட்டேலை மிரட்டிக் கொண்டே இருக்கிறார்.

கடந்த ஜனவரி மாதம் இந்த சம்பவம் நடந்தது. ஆனால் தற்போது தான் சிசிடிவி கேமரா பதிவு வெளியிடப்பட்டுள்ளது. இந்நிலையில் கடந்த மாதம் 19ம் தேதி அவர் மற்றொரு பக்கத்து வீட்டுக்காரரான வெர்சோவா காவல் நிலைய அதிகாரி ஒருவரை தாக்கி பிரச்சனையில் சிக்கினார் என்பது குறிப்பிடத்தக்கது.

English summary

CCTV footage showing actor Aditya Pancholi punching and assaulting his neighbour Bhargav Patel in January has been released. The video clearly shows the actor roughing up his neighbour and also threatening him.