மோடி ஒன்றும் வாஜ்பாயி இல்லை..சச்சின்

டெல்லி: நரேந்திர மோடி ஒன்றும் வாஜ்பாயி இல்லை என்று கூறியுள்ளார் மத்திய அமைச்சர் சச்சின் பைலட்.

இதுகுறித்து டெல்லியில் அவர் செய்தியாளர்களிடம் பேசுகையில், நரேந்திர மோடி எப்போது பார்த்தாலும் சுய தம்பட்டம் அடித்துக் கொள்கிறார். தன்னைத் தானே புகழ்ந்து கொள்கிறார். நெஞ்சில் அடித்துக் கொண்டு பேசுகிறார்.

அவருக்கு தான் வாஜ்பாயி என்று நினைப்பு போல. நிச்சயம் மோடியால் ஒருபோதும் வாஜ்பாயாக முடியாது. அவர் வாஜ்பாயி அல்ல.

மோடியின் வாழ்க்கை லட்சியமே பிரதமர் பதவியை அடைவது மட்டுமே. அவர் மட்டுமல்ல, கிட்டத்தட்ட அத்தனை மூத்த பாஜக தலைவர்களுக்கும் இந்த ஆசை இருக்கிறது. அதை நோக்கித்தான் அவர்கள் செயல்படுகிறார்கள்.

ஆனால் ஒரே நாளில் அவர்களது நிறம் மாறி விடாது என்பதை அவர்கள் முதலில் புரிந்து கொள்ள வேண்டும் என்றார் அவர்.

English summary

Gujarat chief minister Narendra Modi is no Vajpayee, says Union Minister Sachin Pilot.