நிர்வாண குளியல் போட்ட அழகி: வீட்டில் உள்ளதை திருடிய அவளது கையாள்
டென்னிஸி: அமெரிக்காவில் இளம்பெண் ஒருவர் நிர்வாணமாக குளிப்பதை ஒருவர் வேடிக்கை பார்க்க அந்த நபரின் வீட்டில் உள்ள பொருட்கள் கொள்ளையடிக்கப்பட்டன.
அமெரிக்காவின் டென்னிஸியில் உள்ள கிராஸ்வில்லைச் சேர்ந்தவர் ஸ்டீபன் அமரல். அவரது வீட்டு கதவை யாரோ தட்டும் சத்தம் கேட்டு திறந்துள்ளார். அப்போது ஒரு பெண்ணும், ஆணும் வந்துள்ளனர். வெக்கை அதிகமாக உள்ளது அதனால் உங்கள் நீச்சல் குளத்தில் குளித்துக் கொள்ளலாமா என்று அவர்கள் கேட்டுள்ளனர்.
அப்போது அந்த பெண் தான் நிர்வாணமாக குளிக்க வேண்டும் என்று தெரிவித்துள்ளார். அதற்கு ஸ்டீபன் சம்மதித்துள்ளார். உடனே அப்பெண் தன் ஆடைகளை அவிழ்த்துவிட்டு நீச்சல் குளத்தில் நிர்வாணமாக 20 நிமிடங்கள் குளித்துள்ளார். அப்போது அவருடன் வந்த நபர் புகைப்பிடிக்கச் சென்று வருகிறேன் என்று வெளியே சென்றுவிட்டார்.
ஸ்டீபன் அந்த பெண் நிர்வாணமாக குளிப்பதை பார்த்து ரசித்துள்ளார். பின்னர் அப்பெண்ணுக்கு துண்டு கொடுத்து அவரை வாசல் வரை வந்து வழியனுப்பியுள்ளார். அப்பெண்ணை அனுப்பிவிட்டு வீட்டுக்குள் சென்றபோது அங்கிருந்த துப்பாக்கி, நகை, மருந்துகள் திருடு போயிருந்தது கண்டு அவர் அதிர்ந்து போனார்.
அப்போது தான் அந்த பெண்ணின் தந்திரம் அவருக்கு புரிந்து உடனே போலீசில் புகார் கொடுத்தார். போலீசார் அந்த ஜோடி யார் என்பதை அடையாளம் கண்டுபிடித்துவிட்டனர். மேலும் அவர்களை தேடி வருகின்றனர்.
Click it and Unblock the Notifications
Sign in with Google