மாஜி சபாநாயகர் காளிமுத்துவின் மகளை ரகசியமாக மணந்த சீமான்?

By Siva

Updated: Monday, July 15, 2013, 15:19 [IST]

Subscribe to Oneindia Tamil

சென்னை: இயக்குனரும், நடிகரும், நாம் தமிழர் கட்சி தலைவருமான சீமான் முன்னாள் அதிமுக அமைச்சரும், முன்னாள் சபாநாயகருமான காளிமுத்துவின் மகள் கயல்விழியை ரகசியமாக திருமணம் செய்து கொண்டதாக பல்வேறு ஊடகங்கள் செய்தி வெளியிட்டுள்ளன.

இயக்குனரும், நடிகரும், நாம் தமிழர் கட்சி தலைவருமான சீமான் பற்றி அவ்வப்போது திருமண புரளிகள் வருவதுண்டு. சீமான் தன்னை திருமணம் செய்துகொள்வதாகக் கூறி குடும்பம் நடத்திவிட்டு ஏமாற்றுவதாக பிரபல நடிகை விஜயலட்சுமி சில காலத்துக்கு முன் புகார் கூறியிருந்தார். இந்நிலையில் சீமானுக்கு ரகசியமாக திருமணம் நடந்துள்ளது என்று பல்வேறு ஊடகங்கள் செய்தி வெளியிட்டுள்ளன.

சீமான் முன்னாள் அதிமுக அமைச்சரும், முன்னாள் சபாநாயகருமான காளிமுத்துவின் மகள் கயல்விழியை கடந்த ஆண்டு அக்டோபர் மாதம் 1ம் தேதி ரகசியமாக மணந்தாராம். விடுதலைப் புலிகள் இயக்க தலைவர் பிரபாகரனின் திருமண நாள் அக்டோபர் 1ம் தேதி என்பதால் அந்த தினத்திலேயே தானும் திருமணம் செய்து கொண்டாராம் சீமான்.

திருமணத்தை அவர் ரகசியமாக வைத்துவிட்டார். இந்நிலையில் அவரது நலம்விரும்பிகள் அளித்த அறிவுரையின்பேரில் வரும் ஆகஸ்ட் 27ம் தேதி பிரமாண்டமாக திருமண வரவேற்பு நிகழ்ச்சி நடத்த அவர் திட்டமிட்டுள்ளாராம். ஊடகங்களில் சீமானின் ரகசிய திருமண செய்தி பரபரத்துக் கொண்டிருக்கிறது.