நீச்சல் குளத்தில் ஒரு நிர்வாண 'சிட்டிங்'...ரட்வன்ஸ்கா ரகளை.. 'சங்கத்தை' விட்டு டிஸ்மிஸ்!
வார்சா: பிரபல டென்னிஸ் வீராங்கனை அக்னீஸ்கா ரட்வன்ஸ்கா, நிர்வாணமாக போஸ் கொடுத்ததால், அவரை கத்தோலிக்க இளையர் அமைப்பிலிருந்து அந்த அமைப்பு நீக்கியுள்ளது.
கிறிஸ்தவ மதக் கோட்பாடுகளுக்கு களங்கம் ஏற்படும் வகையில் ரட்வன்ஸ்கா நடந்து கொண்டுள்ளதாக அந்த அமைப்பு குற்றம் சாட்டுகிறது.
மேலும், தொடர்ந்து ரட்வன்ஸ்கா கிறிஸ்தவர்களின் மனம் புண்படும்படியாகவே நடந்து வருவதாகவும் அது குற்றம் சாட்டியுள்ளது.
போலந்து அழகு வீராங்கனை
போலந்து நாட்டைச் சேர்ந்தவர் ரட்வன்ஸ்கா. உலகின் 4வது நிலை வீராங்கனையும் கூட.
பத்திரிகைக்கு பரபரப்பு போஸ்
ஒரு பத்திரிகைக்கு இவர் நிர்வாண போஸ் கொடுத்து பரபரப்பை ஏற்படுத்தியுள்ளார்.
நிர்வாண இருக்கையில்...
24 வயதான ரட்வன்ஸ்கா, உடலில் ஒட்டுத் துணி இல்லாமல், இந்தப் போஸைக் கொடுத்திருக்கிறார். நீச்சல் குளத்தில், டென்னிஸ் பந்துகள் மிதந்து வர.. கையில் ஒரு பந்துடன், ஒட்டுத் துணி கூட இல்லாமல், புல் தரையில் சேர் போட்டு அவர் உட்கார்ந்திருப்பது போல புகைப்படம் எடுத்துள்ளனர்.
கோபமடைந்த கிறிஸ்தவ அமைப்பு
இந்தப் புகைப்படத்தால் கத்தோலிக்க கிறிஸ்தவ அமைப்பான இளைஞர் அமைப்பு கோபமடைந்து, தனது அமைப்பிலிருந்து ரட்வன்ஸ்காவை நீக்கி விட்டது.
விம்பிள்டனில் அரை இறுதி வரை வந்தவர்
ரட்வன்ஸ்கா சமீபத்தில் நடந்த விம்பிள்டன் டென்னிஸ் போட்டியில் அரை இறுதி வரை முன்னேறியவர் ஆவார்.
தீவிர மத நாடு
முன்னாள் போப்பாண்டவர் 2ம் ஜான் பால் பிறந்த ஊர் போலந்து. இங்கு தீவிர கிறிஸ்தவர்கள்தான் அதிகம் உள்ளனர். அதிலும் 90 சதவீதம் பேர் தீவிரமான ரோமன் கத்தோலிக்கர்கள் ஆவர். இங்கு மத நெறிகளுக்கு அதிக முக்கியத்துவம் தரப்படும் என்பது குறிப்பிடத்தக்கது.