இளவரசர் வில்லியம், கேட் குழந்தைக்கு என் பெயர் வைக்கலாமே: டேவிட் பெக்காம் விருப்பம்

லண்டன்: இங்கிலாந்து இளவரசர் வில்லியம் தனது குழந்தைக்கு தன் பெயரை வைக்க வேண்டும் என்று கால்பந்து வீரர் டேவிட் பெக்காம் தெரிவித்துள்ளார்.

இங்கிலாந்து இளவரசர் வில்லியமின் மனைவி கேட் மிடில்டனுக்கு பிரசவ நேரம் இது. இதனால் வில்லியம் தனது ராஜாங்க பொறுப்பில் இருந்து விடுப்பு எடுத்துவிட்டு வந்து மனைவி அருகே உள்ளார். கேட்டுக்கு எப்பொது வேண்டுமானாலும் பிரசவம் நடக்கும் என்ற நிலை உள்ளது.இந்நிலையில் பிறக்கப் போவது ஆணா, பெண்ணா, அதற்கு ராஜ குடும்பத்தினர் என்ன பெயர் வைப்பார்கள் என்று உலக மக்கள் தீவிரமாக யோசித்து வருகின்றனர்.

இந்நிலையில் இங்கிலாந்து கால்பந்து வீரர் டேவிட் பெக்காமுக்கு ஒரு ஆசை வந்துள்ளது. அதாவது வில்லியம் தனக்கு ஆண் குழந்தை பிறந்தால் அதற்கு டேவிட் என்று தன் பெயரை வைக்க வேண்டும் என்று விரும்புகிறார் பெக்காம். டேவிட் என்ற பெயர் அழகாக உள்ளது என்று பெக்காம் தெரிவித்துள்ளார். மேலும் ராஜ குடும்பத்து குழந்தைக்கு தனது பெயர் வைக்கப்பட்டால் தான் பெருமகிழ்ச்சி அடைவேன் என்றும் அவர் கூறியுள்ளார்.

வில்லியம் கேட் திருமணம் 2011ல் நடந்தபோது அந்த நிகழ்ச்சியில் பெக்காம் கலந்து கொண்டார் என்பது குறிப்பிடத்தக்கது.

English summary

Soccer star David Beckham thinks the royal baby should be named after him and is certain the Duke and Duchess of Cambridge will make amazing parents to their little one.