டோணியின் நண்பர், ஹெலிகாப்டர் ஷாட்டை கற்றுக் கொடுத்தவர் மரணம்

டெல்லி: இந்திய கிரிக்கெட் அணியின் கேப்டன் டோணியின் நண்பர் சந்தோஷ் லால் இன்று காலை மரணம் அடைந்தார்.

இந்திய கிரிக்கெட் அணியின் கேப்டன் டோணியின் நெருங்கிய நண்பர் சந்தோஷ் லால். அவருக்கு கடந்த வாரம் திடீர் என்று கடுமையான வயிற்று வலி ஏற்பட்டது. இதையடுத்து ராஞ்சியில் உள்ள குரு நானக் மருத்துவமனையில் கடந்த 12ம் தேதி அனுமதிக்கப்பட்டார்.

அவரை பரிசோதித்த மருத்துவர்கள் அவருக்கு கணைய வீக்கம் இருப்பதை கண்டுபிடித்தனர்.

டெல்லிக்கு மாற்றம்

லால் விமான ஆம்புலன்ஸ் மூலம் கடந்த ஞாயிற்றுக்கிழமை டெல்லிக்கு கொண்டு செல்லப்பட்டு அங்குள்ள இந்திரபிரஸ்தா அப்பல்லோ மருத்துவமனையில் அனுமதிக்கப்பட்டார்.

மருத்துவ செலவை ஏற்ற டோணி

லாலின் மருத்துவ செலவை டோணியே ஏற்றுக் கொண்டார்.

ரஞ்சி கோப்பைக்கு விளையாடியவர்கள்

லாலும், டோணியும் சேர்ந்து ரஞ்சி கோப்பை போட்டிகளில் ஒன்றாக விளையாடினர்.

ஹெலிகாப்டர் ஷாட்டை கற்றுக் கொடுத்தவர்

டோணிக்கு ஹெலிகாப்டர் ஷாட்டை கற்றுக் கொடுத்தவர் லால் என்பது குறிப்பிடத்தக்கது.

லால் மரணம்

டெல்லி மருத்துவமனையில் சிகிச்சை பெற்று வந்த லால் சிகிச்சை பலனின்றி இன்று காலை மரணம் அடைந்தார்.

English summary

Santhosh Lal, Indian skipper Dhoni's childhood friend who taught him the famous helicopter shot passed away on wednesday. He was admitted at Indraprastha Apollo hospital in Delhi for acute pancreatitis.