மண்டேலாவுக்கு வயது 95: மருத்துவமனையில் பிறந்தநாள் கொண்டாடினார்

ப்ரிடோரியா: தென்னாப்பிரிக்க முன்னாள் அதிபர் நெல்சன் மண்டேலா இன்று தனது 95வது பிறந்தநாளை கொண்டாடினார்.

தென்னாப்பிரிக்க முன்னாள் அதிபர் நெல்சன் மண்டேலா நுரையீரல் கோளாறு காரணமாக கடந்த மாதம் ப்ரிடோரியாவில் உள்ள மருத்துவமனையில் அனுமதிக்கப்பட்டார். இடையில் அவரது நிலைமை கவலைக்கிடமாக இருந்தது. இதனால் தென்னாப்பிரிக்க அதிபர் ஜேக்கப் ஜுமா தனது வெளிநாட்டு பயணத்தை ரத்து செய்தார்.

இந்நிலையில் மண்டேலாவின் உடல் நிலை தேறி வருகிறது. அவர் இன்று தனது 95வது பிறந்தநாளை மருத்துவமனையில் கொண்டாடினார். அவருக்கு உலக தலைவர்கள் வாழ்த்து தெரிவித்துள்ளனர்.

மண்டேலா தனது படுக்கையில் உட்கார்ந்து டிவி பார்த்துக் கொண்டிருந்ததாக அவரது பேரன் நிதாபா தெரிவித்துள்ளார். மண்டேலாவின் பிறந்தநாளை தென்னாப்பிரிக்க மக்கள் உற்சாகமாக கொண்டாடினர்.

English summary

Former South African president Nelson Mandela celebrated his 95th birthday in a hospital in Pretoria where he was admitted for lung infection.