மக்கள் மன்றத்தில் திமுக தான் எதிர்கட்சியாக உள்ளது: மு.க. ஸ்டாலின்

By Siva

Published: Sunday, July 21, 2013, 13:23 [IST]

Subscribe to Oneindia Tamil

சென்னை: மக்கள் மன்றத்தில் திமுக தான் எதிர்கட்சியாக உள்ளதாக அக்கட்சியின் பொருளாளர் மு.க.ஸ்டாலின் தெரிவித்துள்ளார்.

வடசென்னை மாவட்ட பாமகவினர் 500 பேர் திமுக பொருளாளர் மு.க. ஸ்டாலின் முன்பு திமுகவில் இணைந்தனர்.

இந்த விழாவில் மு.க. ஸ்டாலின் பேசியதாவது,

திமுக ஆட்சியில் இருந்தாலும், இல்லாவிட்டாலும் மக்கள் நலனுக்காக பாடுபடுவதால் தான் பிற கட்சியினர் எங்கள் கட்சியில் இணைகின்றனர். மக்கள் மன்றத்தில் திமுக தான் எதிர்கட்சியாக உள்ளது. இதை யாரும் மறுக்க முடியாது.

ஆட்சியில் இருந்தாலும் சரி, இல்லாவிட்டாலும் சரி மக்களைப் பற்றி கவலைப்படும் மாபெரும் இயக்கம் திமுக தான் என்பதை நீங்கள் உணர்ந்திருக்கிறீர்கள். அதனால் தான் இன்று ஆர்வத்தோடு, உற்சாகத்தோடு வந்திருக்கிறீர்கள். நீங்கள் வந்திருப்பதால் நாங்கள் மகிழ்ச்சி அடைகிறோம், பெருமைப்படுகிறோம். நாங்கள் மேலும் சிறப்பாக செயல்பட உங்களின் வருகை ஊக்கமும், உற்சாகமும் அளிக்கும் என்ற நம்பிக்கை எங்களுக்கு வந்துள்ளது என்றார்.

Published On July 21, 2013