உன் தலையை வெட்ட எனக்கு ஒரு நிமிடம் ஆகாது: காங். தலைவருக்கு மமதா கட்சி எம்.எல்.ஏ. மிரட்டல்

கொல்கத்தா: மேற்கு வங்கத்தில் காங்கிரஸ் தலைவர் ஒருவரின் தலையை வெட்ட தனக்கு ஒரு நிமிடம் கூட ஆகாது என்று ஆளும் திரிணாமூல் காங்கிரஸ் கட்சி எம்.எல்.ஏ. மொனிருல் இஸ்லாம் தெரிவித்துள்ளது பெரும் பரபரப்பை ஏற்படுத்தியுள்ளது.

மேற்கு வங்க மாநிலம் பிர்பாம் மாவட்டம் லாப்பூரில் நடந்த தேர்தல் பிரச்சார பேரணியில் ஆளும் திரிணாமூல் காங்கிரஸ் எம்.எல்.ஏ. மொனிருல் இஸ்லாம் கலந்து கொண்டு பேசினார்.

அப்போது அவர் கூறுகையில்,

காங்கிரஸ் தலைவர் பப்பி தத்தா, உங்களின் தலையை வெட்ட எனக்கு ஒரு நிமிடம் ஆகாது. பெண்களுக்கு எதிராக அநீதிகள் செய்த 3 பேரை என் காலில் போட்டு நசுக்கியுள்ளேன் என்று அவர் தெரிவித்தார்.

இது குறித்து தத்தா கூறுகையில், திரிணாமூல் காங்கிரஸ் கட்சி சமூக விரோத கட்சி என்பதில் சந்தேகமே இல்லை. இஸ்லாமின் பேச்சுக்கு மக்கள் வாக்குகள் மூலம் பதிலடி கொடுப்பார்கள் என்றார்.

முன்னதாக பஞ்சாயத்து தேர்தலில் போட்டியிடும் சுயேட்சைகளின் வீடுகளை எரிக்குமாறும், போலீசார் மீது குண்டுகளை வீசுமாறும் திரிணாமூல் காங்கிரஸ் தலைவர் அனுபிரதா மோன்டல் தெரிவித்தார் என்பது குறிப்பிடத்தக்கது.

English summary

As a controversy rages over a ruling Trinamool Congress leader asking party workers to attack houses of independent candidates in the ongoing panchayat polls, a Trinamool legislator on Sunday publicly threatened to decapitate a Congress leader. The threat was directed at Bapi Dutta, a Congress leader of Birbhum district.