அமெரிக்காவில் ரோலர்கோஸ்டரில் இருந்து தவறி விழுந்த பெண் பலி

லாஸ் ஏஞ்சல்ஸ்: அமெரிக்காவில் பொழுது போக்கு பூங்காவில் ராட்சச ராட்டினத்தில் இருந்து எதிர்பாரா விதமாக கீழே விழுந்த பெண் பரிதாபமாக பலியானார்.

அமெரிக்காவின் டெக்சாஸ் மாகாணம் அர்லிங்டன் பகுதியில் பொழுதுப்போக்கு பூங்கா ஒன்று உள்ளது. அதில் பல்வேறு ராட்டினங்கள் மக்களை மகிழ்விப்பதற்காக உள்ளனர்.

கடந்த வெள்ளியன்ரு, ரோசி என்ற பெண்மணி தனது குடும்பத்தினருடன் அந்த கேளிக்கை பூங்காவிற்கு சென்றிருந்தார். தன் மகனோடு ரோலர்கோஸ்ட்டில் ஏறியுள்ளார் ரோசி. ராட்டினம் சரியாக 14 மாடி உயரத்திற்குச் சென்றபோது, சரியாக பாதுகாப்பு கம்பிகள் பொருத்தப்படாத காரணத்தால், ராட்டினத்தில் இருந்து தவறி விழுந்தார் ரோசி.

இதில் படுகாயமடைந்த அவர், சம்பவ இடத்திலேயே பலியானார். ராட்சச ராட்டினத்தில் இருந்து பெண் ஒருவர் தவறி விழுந்து பலியான சம்பவம் கேட்டு கேளிக்கை பூங்காவிற்கு வந்திருந்த அனைவரும் சோகத்ஹ்டில் மூழ்கினர். விபத்துக் குறித்து போலீசார் வழக்கு பதிவு செய்து விசாரணை மேற்கொண்டு வருகின்றனர்.

English summary

A woman who died while riding a roller coaster at a Six Flags amusement park in North Texas fell from the ride, an Arlington police sergeant said Saturday.