இளவரசர் வில்லியம்-கேட் தம்பதிக்கு ஆண் குழந்தை
லண்டன்: இங்கிலாந்து இளவரசர் வில்லியமின் மனைவி கேட் மிடில்டன் நேற்று இரவு ஆண் குழந்தை ஒன்றை பெற்றெடுத்தார்.
இங்கிலாந்து இளவரசர் வில்லியம் தனது காதலி கேட் மிடில்டன்னை கடந்த 2011ம் ஆண்டு லண்டனில் வைத்து திருமணம் செய்து கொண்டார். அவர்களின் திருமணத்தை உலக மக்கள் டிவியில் பார்த்து மகிழ்ந்தனர்.
இதையடுத்து சில மாதங்களுக்கு முன்பு கேட் கர்ப்பமானார். அவர் கர்ப்பமானதில் இருந்தே அவருக்கு என்ன குழந்தை பிறக்கும், அதற்கு என்ன பெயர் வைப்பார்கள் என்று ஆளாளுக்கு பேசத் துவங்கிவிட்டனர்.
பிரசவ வலி
கேட் மிடில்டன்னுக்கு நேற்று பிரசவ வலி எடுத்தது. இதையடுத்து வில்லியம் தனது மனைவியை கார் மூலம் லண்டனில் உள்ள புனித மேரி மருத்துவமனைக்கு அழைத்துச் சென்றார்.
ஆண் குழந்தை
இந்திய நேரப்படி அதிகாலை 4.24 மணிக்கு கேட் ஆண் குழந்தையை பெற்றெடுத்தார். குழந்தை 3.8 கிலோ எடையுடன் பிறந்துள்ளது.
வில்லியம் பிறந்த அதே மருத்துவமனை
புனித மேரி மருத்துவமனையில் தான் இளவரசி டயானா வில்லியமை பெற்றெடுத்தார் என்பது குறிப்பிடத்தக்கது.
மகிழ்ச்சியில் இங்கிலாந்து
கேட்டுக்கு குழந்தை பிறந்த செய்தி அறிந்து இங்கிலாந்து மக்கள் மகிழ்ச்சி அடைந்துள்ளனர்.
Click it and Unblock the Notifications
Sign in with Google