என் குழந்தையின் தலையில் என்னை விட அதிகமாக முடி உள்ளது: இளவரசர் வில்லியம்
லண்டன்: தனது குழந்தையின் தலையில் தனக்கு இருப்பதை விட அதிக முடி இருப்பதாக இளவரசர் வில்லியம் தெரிவித்துள்ளார்.
இளவரசர் வில்லியம் தனது காதலி கேட் மிடில்டன்னை கடந்த 2011ம் ஆண்டு திருமணம் செய்து கொண்டார். இதையடுத்து அவர் தனது மனைவியை மீடியாக்களிடம் இருந்து பாதுகாப்பதில் அதிக அக்கறை எடுத்து வருகிறார்.
அவரது தாய் டயானா மீடியாக்களில் அதிகம் வந்ததும், இறுதியில் துரத்தப்பட்டு கார் விபத்தில் இறந்ததும் அவர் மனதில் மாறாத தழும்பாக உள்ளது. அதனால் தான் தனது மனைவியை பாதுகாப்பதில் குறியாய் இருக்கிறார் வில்லியம்.
ஆண் குழந்தை
கர்ப்பமாக இருந்த கேட் மிடில்டன் நேற்று முன்தினம் இரவு லண்டனில் உள்ள புனித மேரி மருத்துவமனையில் அழகிய ஆண் குழந்தையை பெற்றெடுத்தார்.
கனமாக உள்ளது
தனது குழந்தை வெயிட்டாக உள்ளதாகவும், பார்க்க பெரியதாக உள்ளதாகவும் இளவரசர் வில்லியம் தெரிவித்துள்ளார். குழந்தையின் எடை 3.8 கிலோ ஆகும் என்பது குறிப்பிடத்தக்கது.
அதிக முடி
தன் மகனின் தலையில் தனது தலையில் இருப்பதை விட அதிகமாக முடி உள்ளது என்று வில்லியம் நகைச்சுவையாக தெரிவித்துள்ளார். வில்லியமுக்கு 31 வயது தான் ஆகிறது. ஆனால் அவருக்கு அதற்குள் சொட்டை விழுந்துவிட்டது.
என்ன பெயர்?
வில்லியமும், கேட்டும் தங்கள் குழந்தைக்கு என்ன பெயர் வைக்கப் போகிறார்கள் என்ற எதிர்பார்ப்பு ஏற்பட்டுள்ளது.
Click it and Unblock the Notifications
Sign in with Google