தேர்தல் கருத்து கணிப்பு.. பீகாரில் லாலு கை ஓங்குகிறது.. நிதிஷுக்கு நெருக்கடி

டெல்லி: சி.என்.என்.ஐபிஎன் தொலைக்காட்சியும் தி ஹிந்துவும் இணைந்து நடத்திய லோக்சபா தேர்தல் தொடர்பான கருத்துக் கணிப்பில் பீகார் மாநிலத்தில் லாலு பிரசாத் யாதவின் ராஷ்டிரிய ஜனதா தளத்துக்கு கடந்த தேர்தலைவிட கூடுதல் இடங்கள் கிடைக்கும் என்று தெரிவிக்கப்பட்டுள்ளது.

பீகார் மாநிலத்தில் 40 தொகுதிகள் உள்ளன. கடந்த 2009ஆம் ஆண்டு லோக்சபா தேர்தலில் ஐக்கிய ஜனதா தளம் 20, பாரதிய ஜனதா கட்சி 12, ராஷ்டிரிய ஜனதா தளம் 4, காங்கிரஸ் 2 தொகுதிகளைக் கைப்பற்றியிருந்தது. ஆனால் வாக்கு சதவீதத்தின் அடிப்படையில் ஐக்கிய ஜனதா தளத்துக்கு 24%, ராஷ்டிரிய ஜனதா தளத்துக்கு 19%, பாஜகவுக்கு 14%, காங்கிரஸூக்கு 10% என இருந்தது.

தற்போது லோக்சபா தேர்தல் நடைபெற்றால் ஐக்கிய ஜனதா தளம் கட்சியானது 15-19 தொகுதிகளையும் ராஷ்டிரிய ஜனதா தளமானது 8 முதல் 12 இடங்களையும் பாஜக 8-12, காங்கிரஸ் 4 இடங்களையும் கைப்பற்றும் என்கிறது கருத்துக் கணிப்பு.

வாக்கு சதவீதத்தின் அடிப்படையில் ஐக்கிய ஜனதா தளத்துக்கு 25%, ராஷ்டிரிய ஜனதா தளத்துக்கு 24%, பாஜகவுக்கு 22%, காங்கிரஸுக்கு 10% என்று கருத்துக் கணிப்பில் தெரிவிக்கப்பட்டுள்ளது.

English summary

The CNN-IBN along with The Hindu have carried out a comprehensive nationwide opinion poll survey across the country to get an idea on how things are going to take shape in various states. The findings are based on the survey conducted by the Centre for the Society of Developing Societies in the last week of June and first week of July. Ten 'battleground' states have been selected. BIHAR (Total 40 seats ) Test for both Nitish Kumar and BJP. Battle of survival for the RJD.