நீங்க இன்னும் வளரணும் சார்? ரூ 5க்கு சாப்டதெல்லாம் அந்தக்காலம்...
டெல்லி: கடந்த புதன் கிழமையன்று பேசிய காங்கிரஸ் செய்தி தொடர்பாளர் ராஞ் பேஃபர், ரூ 12 இருந்தால் மும்பையில் சாப்பிடலாம் எனத் தெரிவித்திருந்தார். அதற்கு அடுத்த நாளே, காங்கிரஸ் ராஜ்ய சபா எம்பியான ரஷீத் மசூத் ‘டெல்லி ஜமா மஜ்ஜித் பகுதியில் ரூ5க்கே நல்ல உணவு சாப்பிடலாம் என தெரிவித்திருந்தார்.
போட்டி போட்டுக் கொண்டு காங்கிரஸ்காரர்கள் செய்யும் காமெடிகளைக் கேட்டு, ‘இது சாத்தியமே இல்லாத ஒன்று'என சத்தியம் செய்கிறார்கள் அப்பகுதி மக்கள்.
ரூ 5க்கு திருப்தியாக சாப்பிட்டதெல்லாம் அந்தக் காலமாம். 1980களில் ரொட்டி ஒரு ரூபாய்க்கும், அதற்கான குழம்பு ரூ2க்கும் விற்பனையானதாம். ஆனால், தற்போது, குறைந்த பட்ச ரொட்டி விலையே ரூ3 தானாம். அதற்கான குழம்பு ரூ20க்கு விற்கப்படுகிறதாம்.
ஆனால், ரம்ஜான் நாட்களில் மட்டும் இங்கு சலுகை விலையில் சாப்பாடு என்ற நோக்கில் ரூ 5 க்கு சாப்பாடு தரப் படுகிறதாம். ஒரு வேளை அதை தவறாகப் புரிந்து கொண்டு எம்.பி இப்படி பேசி விட்டாரோ என்னவோ.
Click it and Unblock the Notifications
Sign in with Google